Алајдин Сулејмани, 30-годишен од Арачиново им подлегна на тешките повреди кои ги здоби пред неколку часа од истрели во близина на Полициската станица Бит Пазар. Младиот маж почина во операциона сала на Државната клиника во Скопје, пишува весникот „Коха“.

Настанот се случил денес, по петочната молитва, кога засега непознати лица испукале неколку куршуми кон 30-годишникот, кој бил погоден во глава, граден кош и други делови од телото.

Алајдин бил итно пренесен во Клиничкиот центар во Скопје.

Полицијата истражува дали денешното пукање има поврзаност со физичка пресметка меѓу две групи што се случила пред околу две недели.

Целиот текст на 4news.mk

Попладнево имаше пукање на Бит пазар, односно во дворот од полициската станица. На терен во моментов се присутни засилени полициски сили, како и Брза помош.

Според првичните информации има една жртва, а повредена е и една жена, случаен минувач.

„Двајца пукаа еден кон друг! Полно деца имаше долу, си играа“, изјавиле жители на маалото.

„Од друго место дојдоа, и пукаа пред куќите“, додал друг сведок.

На 24 април 2025 година, околу 21:15 часот, во СВР Скопје е пријавено дека на улица „10“ во село Миладиновци, скопско, возило „Мерцедес“ со скопски регистарски ознаки, управувано од Д.Ј. (21) од истото село, удрило во двајца малолетни пешаци.

Во сообраќајната несреќа, 14-годишен малолетник се здобил со тешки телесни повреди, додека 12-годишниот малолетник се здобил со телесни повреди, констатирани во Комплексот клиники „Мајка Тереза“, информира МВР.

Возилото е одземено, а увид на местото на несреќата извршила увидна екипа од СВР Скопје. Во координација со јавниот обвинител, против Д.Ј. ќе биде поднесена соодветна пријава.