Саудиска Арабија и Катар денеска соопштија дека ќе го отплатат долгот на Сирија кон Светска банка, што изнесува околу 15 милиони долари. Најавата за отплата на долгот уследи неколку дена откако гувернерот на сириската Централна банка и сирискиот министер за финансии учествуваа на пролетните состаноци на Меѓународниот монетарен фонд (ММФ) и Светската банка.

– Оваа обврска ќе го отвори патот за продолжување на поддршката и операциите на Светската банка во Сирија, по прекин од повеќе од 14 години. Тоа ќе ѝ обезбеди на Сирија и пристап до краткорочна финансиска поддршка за развој на критичните сектори, се наведува во заедничкото соопштението.

Голем дел од инфраструктурата на земјата е уништена за време на 14-годишната граѓанска војна. Новите сириски власти работат на повторно поврзување со меѓународните институции за да ја поддржат обновата на земјата, да ја оживеат економијата и да обезбедат укинување на санкциите.

Светската банка ја прекина соработката со Сирија на почетокот на конфликтот.

Сириските власти се надеваат дека богатите земји од Персиски Залив ќе помогнат во обнова на земјата. 

Рускиот претседател Владимир Путин вчера изјави Курск е целосно ослободен.

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.

– Нашите сили ги продолжуваат активните одбранбени операции во одредени подрачја на (руските) области Курск и Белгородск – истакна Зеленски.

Рускиот претседател Владимир Путин вчера изјави Курск е целосно ослободен.

– Русија повторно воспостави контрола над Курск. Авантурата на режимот на Киев целосно пропадна – изјави вчера Путин.

Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.

Полицијата во Ванкувер соопшти дека инцидентот кој се случи за време на уличниот фестивал, при што најмалку осум лица загинале, не се смета за терористички акт.

„Во овој момент, убедени сме дека овој инцидент не беше терористички акт“, се наведува во соопштението што полицијата на Ванкувер го објави на платформата X.

Еден од сведоците на настанот, Жозеб Варде, сопственик на камион за брза храна, изјавил за BBC News дека видел како автомобил влетал во толпата на фестивалот.

„Последниот настап на фестивалот, кој беше главен настан на денот, се заврши кога автомобилот помина по тесната улица покрај мојот камион за брза храна, со брзина од околу 100 километри на час, и се движеше право низ толпата“, изјавил Варде.

Тој додал дека возачот застанал и се обидел да побегне, но бил фатен од присутните.

„Мислам дека возачот имал за цел да предизвика максимална штета. Видов тела под камионот и мажи како плачат за своите жени или деца. Беше ужасно“, изјавил Варде, додавајќи дека возачот убил некои од неговите муштерии.

Полицијата претходно соопштила дека неколку лица загинале кога возилото влетало во толпата, додека повеќе лица биле повредени, но не наведоа точен број на жртви.

Според канадската мрежа CBC, полицијата потврдила дека возачот, кој има 30 години, бил уапсен на лице место, а инцидентот е предизвикан од едно возило и еден осомничен.

Извори за Global News изјавиле дека најмалку осум лица загинале, вклучувајќи едно дете, додека најмалку шест лица се повредени.