Доцна синоќа било запален автомобил „Ауди“ во скопската населба Чаир, соопшти полицијата.

„Денеска (28.04.2025) во 01:45 часот во СВР Скопје е пријавено дека на подрачјето на Чаир било опожарено патничко возило „ауди а3“ со скопски регистарски ознаки, сопственост на Х.Х.(38) од Скопје. Повредени лица нема, а пожарот бил изгаснат од сопственикот на возилото. Се преземаат мерки за расчистување на случајот“, велат од МВР.

Во акција помеѓу РЦ за ГР Југ – ОПКМСР, ПС за ГН Михајлово, ОВР Неготино – НК за КР, Оддел за криминалистичка полиција при БЈБ и СВР Скопје, вчера (27.04.) во Неготино беа откриени и запленети 283 килограми тутун, спакуван во пакувања од по 450 грами, и притоа приведени се три лица осомничени за кривично дело по член 278 – б „Прикривање на стоки кои се предмет на криумчарење и царинска измама“ и по член 279 – б „Избегнување на плаќање на Акциза“ согласно КЗ на РСМ.

-Имено вчера околу 07,30 часот од страна на полициски службеници од ПС за ГН Михајлово на Автопатот Градско-Неготино во близина на Црвени Брегови биле забележани две патнички моторни возила со скопски регистарски таблички, ,,Шкода Октавија“ и „Ауди А6“ кои што напоредно се движеле по патот. На знак „стоп“ возилото „Шкода октавија“ не запрело ја зголемило брзината и се упатило кон Неготино, но набргу од страна на полициски службеници било сопрено во градот. Од извршениот преглед на возилото управувано од лицето С.Ф. (30) од село Љуботен, скопско, било констатирано дека возилото е натоварено со 29 црни вреќи во кои имало жолти пакувања од 450 грама тутун (вкупно 283 килограм) без никаква документација за потеклото, со што е причинета материјана штета на буџетот во вредност од 2.704.340,05 денари. По насоки на надлежен ЈО набргу се приведени и двете лица кои што биле во патничкото возило „Ауди А6“, Р.Ф. (37) од село Љуботен скопско и возачот на истото С.А.(41) од Скопје, информира МВР.

На лице место извршен е увид од страна на инспектори од ОПКМСР при РЦ за ГР Југ и НК за КР при ОВР Неготино. По целокупното документирање на случајот, против осомничените ќе биде поднесена соодветна пријава.

На 28.04.2025 во 00:00 часот на крстосницата од улица ,,Браќа Миладинови“ со улица ,,Ѓорче Петров“ полициски службеници од СВР Тетово го лишиле од слобода Г.Ф.(22) од Тетово, кој пред угостителски објект на улица ,,Браќа Миладинови“ фрлил една кеса со марихуана. Тој е задржан во полициска станица и по документирање на случајот ќе му биде изготвен соодветен поднесок