Некои хороскопски знаци едноставно не се добри со пари – не поради немање, туку поради начинот на кој ги трошат

Парите можат да значат сигурност, но исто така можат да бидат сериозен извор на стрес – особено за луѓето кои не знаат добро да управуваат со својот буџет.

Според астрологијата, одредени хороскопски знаци почесто влегуваат во финансиски проблеми. Не станува збор за тоа дека не заработуваат доволно – напротив, повеќето од нив имаат капацитет за солидна заработка. Проблемот лежи во импулсивното трошење, ризиците без план и игнорирањето на долгорочните последици.

Некои ги игнорираат предупредувањата, некои живеат во уверување дека среќата секогаш ќе ги спаси, а трети едноставно не прават разлика меѓу желби и потреби. Еве кои хороскопски знаци најчесто запаѓаат во вакви финансиски замки:

Стрелец

Стрелците обожаваат слобода, авантура и живот без ограничувања – а тоа се рефлектира и во нивниот однос со парите. Наместо да штедат, тие повеќе сакаат да трошат на патувања, подароци или нови искуства. Оптимизмот ги води да веруваат дека „ќе се среди“ и дека сѐ ќе падне на свое место. Но, токму таквиот став знае да ги доведе до долгови или зависност од другите кога ќе притисне реалноста. Малку планирање и воздржаност не би им наштетиле.

Риби

Емотивни, сочувствителни и секогаш подготвени да помогнат – Рибите често знаат да дадат и кога немаат. Ги избегнуваат бројките и не сакаат да се соочат со вистинската состојба на сметката. Трошат за да си го подобрат расположението или за да направат добро дело, но неретко тоа ги носи во незгодни ситуации. Иако имаат силна интуиција, ретко ја слушаат кога станува збор за финансии. Би им користел подисциплиниран пристап и поголема контрола врз тоа колку (и за што) трошат.

Близнаци

Близнаците се љубопитни, динамични и секогаш во потрага по нешто ново. Тоа значи дека често купуваат импулсивно, се впуштаат во нови трендови и лесно го губат фокусот. Финансиските цели брзо им се менуваат, па тешко одржуваат стабилен буџет. Дури и кога добро заработуваат, знаат исто толку брзо и да потрошат. Доследноста не им е силна страна, но кога ќе научат да си постават приоритети и рутина, можат значително да си го олеснат животот.

Мајскиот продолжен викенд е тука – сонце, скара, друштво, и полна маса. Сѐ е подготвено за убав ден, ама една-две грешки се доволни за да си го расипеш и денот и расположението. Еве четири работи што сите ги правиме, ама можеме лесно да ги избегнеме:

1. Пиеме премногу, предолго и без мера

Кај нас, мезето почнува уште пред да се запали скарата – ракија на гладно, по некоја чашка вино со првиот залак, после пиво, а вечерта… и не знаеш како си стигнал до таму. Звучи познато?

Ништо лошо нема во тоа да се напиеш и да се опуштиш, ама знај ја својата граница. Пиј полека, уживај со мерак, и најважно – не седнувај зад волан! Денот е убав само ако безбедно стигнеш дома.

2. Јадеме како да нема утре

До скарата – веќе си сит од мезе. Кога конечно стигнува месото, очекуваш да пробаш од сѐ, ама телото веќе ти вика „доста е“. И пак, има уште, „да не снема“, па уште едно парче, па уште едно…

Совет? Намали со сувомеснатото пред ручекот – нека бидат само салатите. А кога ќе дојде скарата, пробај од сѐ по малку. Иако изгледа како малку – телото ќе ти биде благодарно.

Вечера после цел ден скара? Заборави. Една чаша јогурт е сосема доволно. Стомакот ти заслужува пауза.

3. Политика + алкохол = лоша идеја

Муабетите секогаш стигаат до политика, па уште ако некој има и по некоја чашка повеќе… не е далеку кавгата. А ти дојде за да уживаш, не за расправија.

Пушти ги муабетите за некој друг ден. Денеска – уживај со блиските, смеј се, јади и пиј со мера. Политиката ќе почека.

4. Кршиме правила и после се чудиме

Многу места се забранети за палење оган, и казните не се наивни – 200 евра. А и 50 евра глоба ако оставиш ѓубре зад себе. Затоа – нека биде скарата во двор, на тераса или во некоја кафеана. И секогаш, ама баш секогаш, исчисти зад себе. Не поради казните – туку од почит кон природата, и кон себе.

Почесто на вашето мени: Оваа храна е спас за пушачите – полна витамини, одлична за срцето и крвните садови

Доматот е намирница која секој пушач треба редовно да ја вклучува во својата исхрана. Според пишувањата на Avaz.ba, тој претставува вистински сојузник во намалувањето на штетните последици од пушењето.

Иако во секојдневната употреба често се смета за зеленчук, доматот ботанички припаѓа на групата овошја. Сепак, поради неговата широка примена во готвењето, најчесто се третира како зеленчук.

Богат со антиоксиданси и есенцијални витамини

Доматот е исклучително богат со витамин Ц – силен антиоксиданс кој придонесува за здрав и блескав изглед на кожата. Покрај тоа, содржи и витамин А, калиум и железо – три важни елементи за добра циркулација и правилно функционирање на нервниот систем. Присуството на витамин К пак, е значајно за нормално згрутчување на крвта.

Варениот домат – уште повреден избор

Термичката обработка на доматот значително ја зголемува концентрацијата на ликопен – моќен антиоксиданс што го неутрализира дејството на слободните радикали. Ликопенот е особено важен за пушачите, бидејќи може да помогне во ублажување на дел од штетните последици од никотинот и катранот. Дополнително, кумаринската и хлорогенската киселина што се присутни во доматот, дополнително го зајакнуваат неговиот заштитен ефект.

Сојузник во слабеењето

Оние што внимаваат на линијата, исто така ќе имаат корист од доматот – ова овошје има многу малку калории, а е богато со растителни влакна, што создава чувство на ситост и придонесува за полесно одржување на телесната тежина.

Без разлика дали е свеж или варен, доматот е вреден додаток на секојдневната исхрана. Посебно се препорачува за пушачи, како дел од природната поддршка за подобро здравје.