АК-ИНВЕСТ има потреба од

ГРАДЕЖНИ ИНЖЕНЕРИ
1(ЕДЕН) ЗА ВИСОКА ГРАДБА И 1( ЕДЕН) ЗА НИСКА ГРАДБА – ФАЗА ИЗВЕДБА

Опис на работното место

• Одговорен за успешно и квалитетно известување на објектите и врши непосредна контрола врз изградба на објектите;
• Следење, реализација, проверка на количините на материјалите и потврда за нивната веродостојност вградена во месечните, годишните, збирните ситуации за извршените работи;
• Грижа за навремено водење на градежните книги, дневници,МАФ-ови, времени ситуации и слично;
• Правење спецификација на потребните материјали за работа согласно Предмет пресметка и Динамички план;
• Раководење, обезбедување и координирање на проекти и усогласување, контрола и синхронизација на сите фази на изведба;
• Навремено обезбедување на потребните ресурси ( работна сила, опрема и материјали) од почеток до крај со внимание на буџетските ограничувања.

Потребни квалификации

• ВСС, соодветно високо образование ( Градежен факултет);
• Минимум 3 (ТРИ) години работно искуство во областа;
• Познавање на MS Office пакетот, AUTOCAD и интернет;
• Возачка дозвола Б категорија, активен возач.
• Минимум Б овластување фаза изведба, предност ќе имаат кандидатите што имаат А овластување

Професионални знаења и способности

• Способност во организирање на ресурси и поставување на приоритети;
• Одлични организациски вештини со флексибилен пристап кон работите и ориентираност кон изнаоѓање на решенија;
• Способност за тимска работа;
• Лојалност, иницијативност, темелност, енергичност;
• Способност за работа под притисок и во дадени рокови;
• Работа на повеќе проекти истовремено во Нашата држава.

Задолжително познавање на Македонски Јазик и елементарно познавање на Англиски јазик е неопходно

Плата до 110.000,00 денари во завиност од ЦВ-то , Работното искуство и овластувањата што ги има

Сите заинтересирани може да аплицираат тука

Од 2 мај 2025 година, Јавната установа Национален парк Шар Планина почнува со систем за наплата на влез на моторни возила на територијата на паркот, преку праќање на СМС порака или скенирање на QR код. Треба да платат сите посетители кои со моторни возила се движат по дозволените патишта низ паркот, а ослободени од наплата се жителите на селата, сопствениците на приватни имоти, како и правните лица регистрирани на територијата на НП Шар Планина.

-Со праќање на СМС порака за влез на моторното возило, Вие директно придонесувате кон заштитата на природата на Шар Планина и помагате во зачувувањето на ова уникатно природно богатство за идните генерации. Стратешките заложби на ЈУ Национален парк Шар Планина се насочени кон тоа на посетителите кои не оставаат еколошки отпечаток да не им се наплатува влез во Националниот парк, се вели во денешното соопштение на НП Шар Планина.

Граѓаните може да платат со праќање на порака (СМС) од нивниот телефон со категорија на возилото и број на регистрација на телефонскиот број 144 – 555 или да скенирајте QR код, да изберат категорија на возило и да внесат податоци.За мотоцикли и автомобили надоместокот изнесува 150 денари, додека 250 денари за комбе и минибус до 20 седишта. Автобусите и тешките товарни возила ќе треба да плаќаат по 450 денари.

Градоначалникот на Битола, Тони Коњановски, заедно со секретарот на општината Борче Димитровски и дел од општинската администрација, вчера оствари средба со жителите на урбаната заедница „Гоце Делчев“ во населбата Стрелиште.

На средбата, која беше масовно посетена, жителите беа запознаени со новото сообраќајно-техничко решение за воведување времен режим на сообраќај. Овој чекор претставува привремено решение до конечното уредување на сообраќајот, кое ќе следи со целосна реконструкција на инфраструктурата на улицата „8 Септември“ — од кружниот тек кај Дулие до границата на Генералниот урбанистички план на Битола.

Клучниот елемент од временото решение е поставувањето на импровизиран кружен тек во близина на бензинската пумпа Лук Оил, што ќе овозможи безбедно вклучување и исклучување од населбата. Ваквата интервенција се прави со цел подобрување на сообраќајната безбедност, особено во услови на тековни градежни активности на делницата.

Коњановски потенцираше дека општината останува посветена на решавање на секојдневните предизвици со кои се соочуваат граѓаните и ги повика жителите на соработка и трпение до завршувањето на комплетната реконструкција.