Балкан

Лоши вести за сите кои планираат летување во Грција: Овие работи ќе ги плаќате поскапо

Published

2 weeks ago

April 9, 2025

Од 1 јануари 2025 година, Грција воведе нова “Климатска такса” која ги заменува претходните такси за сместување. Висината на таксата зависи од сезоната и категоријата на сместувањето. Во високата сезона (април-октомври) таксата е повисока, додека во ниската сезона (ноември-февруари) е пониска.

На пример, за хотели со пет ѕвезди, таксата може да достигне до 10 евра по ноќевање во високата сезона. Туристите кои пристигнуваат со крузери на популарни дестинации како Санторини и Миконос ќе плаќаат такса од 20 евра по лице, а на други дестинации 5 евра.

Висока сезона (април – октомври):

Хотели со 1-2 ѕвезди: 2 евра по ноќевање

Хотели со 3 ѕвезди: 5 евра по ноќевање

Хотели со 4 ѕвезди: 10 евра по ноќевање

Хотели со 5 ѕвезди: 15 евра по ноќевање

Опремени соби/апартмани: 2 евра по ноќевање

Краткорочни изнајмувања (Airbnb): 8 евра по ноќевање

Одделни куќи (над 80 м²): 15 евра по ноќевање

Опремени туристички вили и резиденции: 15 евра по ноќевање (за објекти над 80 м²)

Ниска сезона (ноември – март):

Хотели со 1-2 ѕвезди: 0,5 евра по ноќевање

Хотели со 3 ѕвезди: 1,5 евра по ноќевање

Хотели со 4 ѕвезди: 3 евра по ноќевање

Хотели со 5 ѕвезди: 4 евра по ноќевање

Опремени соби/апартмани: 0,5 евра по ноќевање

Краткорочни изнајмувања: 2 евра по ноќевање

Одделни куќи (над 80 м²): 4 евра по ноќевање

Опремени туристички вили и резиденции: 4 евра по ноќевање (за објекти над 80 м²)

Таксата се наплаќа директно при пријавување или одјавување и ќе се користи за финансирање на проекти за превенција од катастрофи, адаптација на климатските промени и подобрување на туристичката инфраструктура. Дополнително, таксата за крузери во Санторини и Миконос има за цел да го ублажи прекумерниот туризам.

Оваа мера е дел од напорите на Грција да се справи со економските последици од климатските промени и да ја подобри одржливоста на туристичкиот сектор.

Балкан

Балканот повторно се тресеше, регистриран нов земјотрес

Published

12 hours ago

April 25, 2025

Арлингтон

Земјотрес со јачина од 3,5 степени го погоди подрачјето на Бугарија

Во петокот, на 25 април 2025 година, во 09:43 часот, е регистриран земјотрес со јачина од 3,5 степени според Рихтеровата скала на територијата на Бугарија.

Според достапните информации, епицентарот на потресот бил лоциран на околу 28 километри источно од Поморие, во близина на познатото туристичко место Несебар.

Како што пренесува Европско-медитеранскиот сеизмолошки центар, хипоцентарот се наоѓал на длабочина од приближно 15 километри под површината на земјата.

„Добро затресе“, „Се слушна гласно тресење“, сведочат граѓани од регионот, кои го почувствувале потресот.

За среќа, засега нема пријави за материјални штети, а надлежните служби внимателно ја следат состојбата.

Балкан

Пукање во локал во Нови Сад, има повредени

Published

15 hours ago

April 25, 2025

Арлингтон

Една личност е повредена во пукање кое се случило утрово околу 8 часот во локал на Футошка улица број 4 во Нови Сад.

Засега не е познат степенот на повредите. Полицијата врши увид на лице место.

Според зборовите на докторот Зоран Крља, портпарол на Заводот за итна медицина Нови Сад, нивната екипа излегла на лице место како прв приоритет по повикот од полицијата, и таму бил пронајден маж кој по почетното згрижување бил пренесен во УЦ КЦВ

Балкан

Се тресеше Балканот: Два земјотреса во две соседни земји

Published

1 day ago

April 24, 2025

Арлингтон

Вечерва на истокот од Бугарија беше регистриран земјотрес со јачина од 3.3 степени според Рихтеровата скала, а само неколку минути подоцна, тлото се затресе и во Албанија.

Според Европско-медитеранскиот сеизмолошки центар (EMSC), епицентарот на првиот потрес бил во Црното Море, на околу 40 километри североисточно од бугарскиот град Бургас. Хипоцентарот се наоѓал на длабочина од околу 25.1 километар под површината на земјата.

Кратко по тој настан, беше регистриран уште еден земјотрес, овојпат на територијата на Албанија, со јачина од 3.5 степени по Рихтер. За разлика од бугарскиот, албанскиот потрес имал многу поплиток хипоцентар – само 5 километри под земјината кора.

Во моментов нема информации за евентуални материјални штети или повредени лица. Надлежните служби внимателно ја следат ситуацијата и се подготвени за понатамошни интервенции доколку биде потребно.