Велика Сабота – време за тивка подготовка и длабока симболика

Иако некои Велика Сабота ја доживуваат како обичен ден сè додека се наоѓаат во црква, овој ден всушност има посебна тежина – тоа е време на последни подготовки пред најголемиот христијански празник, Воскресението Христово.

Во домовите се чисти, се готви, се подготвуваат традиционални јадења, а атмосферата е исполнета со тишина, смиреност и духовно исчекување. Според народната традиција, Велика Сабота е ден и на обичаи. Во Мариово, на пример, жените ги переле појасите со верување дека така ќе се заштитат од болки во половината за време на копањето и жетвата.

Вечерта, околу полноќ, верниците се собираат во црквите. Секој носи црвено јајце, а во некои краишта, како Радовиш, и свеќа со зелено гранче или цвеќе. Свеќата ја палат од свештеникот и ја носат дома, каде што со неа го палат домашниот оган – симбол на живот и благослов.

На полноќ, со тропарот „Христос воскресе“, верниците трипати ја обиколуваат црквата. Потоа следува литургијата, причестувањето и симболичното кршење со црвените јајца – обичај што го означува крајот на постот и почетокот на радоста.

Интересно е и тоа што малите деца, според традицијата, навечер добиваат црвено јајце ставено под перница, кое им се дава утредента – на Воскресение, кога заедно со родителите одат на црковна служба.

Цеца ја откри тајната на својата витка линија: Нема глад, нема лекови – само дисциплина

Балканската музичка ѕвезда Светлана Цеца Ражнатовиќ со години важи за една од најзгодните жени на јавната сцена, а нејзината линија и денес предизвикува восхит. Иако, како и секоја жена, некогаш се соочува со некој „вишок“, таа откри дека не се потпира на тренди и ризични методи за слабеење.

– Без диети, без лекови – само ред и дисциплина, вели Цеца, предупредувајќи на опасностите од модерни лекови за слабеење кои, според неа, сериозно влијаат на здравјето.

Нејзиниот едноставен метод: по 19 часот не внесува храна, туку само вода. Резултатот? Во рок од еден месец, ослабела 8,5 килограми – без глад и без рестрикции во исхраната преку ден.

– „Тоа е како вид на аутофагија, јадам што сакам преку ден, но најдоцна до 20 часот“, вели таа и нагласува дека појадокот наутро ѝ го активира метаболизмот.

Покрај исхраната, Цеца вели дека физичката активност е клучна:

– „Ако не стигнам на тренинг, одам на брзо пешачење. Не може да очекувате резултати ако телото не е во движење“, заклучува пејачката.

Дневен хороскоп: Што ви носи денешниот ден?

Погледнете што ви подготвуваат ѕвездите денес – дали е време за одмор, љубовни пресврти или нови деловни можности?

Овен

Денеска конечно ќе можете да земете здив. Обврските се намалуваат, а вие добивате шанса за заслужен одмор. Во љубовта, сомнежи ви се вртат низ глава – се прашувате дали партнерот е искрен. Сепак, се чувствувате одлично.

Бик

Одличен ден за да ставите точка на некои недоразбирања на работа. Колегите и претпоставените се отворени за разговор. Љубовта може да ве изненади – возможно е ново запознавање. Здравјето бара малку повеќе внимание – фокусирајте се на исхраната.

Близнаци

Ако сега се вложите целосно, наскоро ве очекува успех во кариерата што ни самите не сте го очекувале. Партнерот ве нервира со тоа што никако не сака да попушти. Грлото е чувствително – не го игнорирајте тоа.

Рак

Имате шанса за дополнителна заработка, но двоумите дали да ја прифатите поради обемот на обврски. Ќе ве фати момент на осаменост – бидете нежни со себе. Здравјето е стабилно.

Лав

Енергијата конечно се враќа! Излегувате од фазата на стагнација и повторно сте подготвени да дадете сè од себе. Во љубовта, сè уште не можете да преминете преку стара повреда. Внимавајте на очите.

Девица

Пред вас е ден полн со предизвици – ќе мора да бидете трпеливи ако сакате да ги остварите вашите цели. Неочекувано внимание од некоја личност во вашата близина би можело да ве изненади. Потребен ви е вистински одмор.

Вага

Денеска влегувате во малку комплицирана ситуација на работа – некој друг ќе одлучува за нејзиниот исход. Во љубовта, ве очекува интересен разговор со личност која ве интригира. Време е за прошетка во природа.

Шкорпија

Ако сте размислувале за напредок во кариерата – сега е моментот да се активирате. Љубовниот живот ви е на одлично ниво, партнерот се вложува и тоа ве радува. Здравјето е стабилно.

Стрелец

Денес и најмала грешка може да ви донесе големи последици. Бидете внимателни во сè што правите. Во љубовта, различните ставови со партнерот би можеле да предизвикаат расправија. Внимавајте – можни се настинки.

Јарец

Мозаикот полека се склопува и почнувате да разбирате зошто сè се случувало така како што се случило. Сомнежите во врската се зголемуваат – чувствувате дека нешто се крие. Стресот ве следи – најдете начин за релаксација.

Водолија

Јасно ви е дека моменталната работна средина не е за вас. Почнувате активно да барате нова можност. Со партнерот ве очекува бурна дискусија. Внимавајте на исхраната и дигестивниот систем.

Риби

Немате волја да се соочите со сè што ве чека, па одложувате обврски. Во љубовта, сакате нова врска, но никако не наоѓате некој што ви одговара. Имунитетот е малку ослабен – зајакнете го со витамини.