Битола ќе биде домаќин на исклучителен музички и сценски настан кој, според градоначалникот Тони Коњановски, претставува вистински подарок за градот. На 21 април, во Центарот за култура, ќе се одржи концертот „ПРЕМИН“ – уметнички чин што ги спојува музиката, театарот и духовноста.

„Ова не е обичен концерт, туку искуство кое се чувствува, не се слуша само. Горан Трајкоски и целата уметничка екипа со својата креативност ја подигаат културната понуда на Битола на едно повисоко ниво. Тоа е настан од отворен карактер, без влезници, но со силна симболика и порака,“ истакна Коњановски.

Музичкиот проект „ПРЕМИН“ го носи автентичниот звук на Горан Трајкоски, во соработка со Камерниот оркестар – Битола под диригентство на Владимир Димовски, а со вокали од Тања Царовска, Ана Митоска и Петар Христов. Режијата ја потпишува Дејан Пројковски, еден од најпризнатите театарски автори во земјава.

Коњановски посочи дека поддршката од Општината и културните институции не е случајна. „Ова е дел од нашата стратегија за поттикнување на уметнички проекти што носат вредност, продлабочуваат размислување и нудат квалитет на нашата културна сцена.“

Настанот се организира во рамки на велигденската недела, симболично претставувајќи премин – и духовен и културен. Влезот е слободен, но местата се ограничени. Поддржувачи на проектот се НУ Центар за култура, Народен театар – Битола и Министерството за култура.

Градоначалникот на Општина Битола, Тони Коњановски на емисијата „Заспиј ако можеш“ кај Драган Милосавлевиќ, зборуваше за актуелното раководоство со општината, можностите и предизвиците за иднината.

Навидум шпекулациите кои деновиве беа испратени на сметка на јавните претпријатија во Битола поради нивното неодговорно финансиско работење, градоначалникот Коњановски дека Битола е на врвот на транспарентно и одговорно работење во Македонија.

„Во Водовод, бројот на 223 вработени што сме го добиле е намален на 199 вработени. Одвоената плата на вработените во Водовод е 148 милиони, наместо 107 милиони денари. Во делот на ресторантски услуги во делот 2017 – 2021 2,5 милиони денари, а сега во овој 3,5 години мандат нецелосен еден милион денари. За адвокатски услуги во претходниот мандат 8 757 000 денари, сега 2 660 000. Кај вработените во нискоградба, сме затекнале 148 вработени, сега се 137.“ – истакна таткото на градот на конзулите, аргументирајќи против невистините кои деновиве беа пуштени во етерот. Покрај претпријатието Водовод – Битола, тој зборуваше по истиот принцип и за КЈП Нискоградба и ЈП Комуналец.

„Плати во Нискоградба кај вработените од 62 милиони на 85 милиони денари. 263 илјади према 1 600 000 денари во делот на ресторантски услуги, а адвокатските услуги од 700 илјади на 170 илјади денари. Вработените во Комуналец од 300 затегнати на 270 вработени. Платите од 105 милиони се покачиле на 170 милиони денари. Ресторантски услуги во Комуналец, најкарактеристична е разликата од еден милион со скоро 11 милиони денари.“ потенцираше градоначалникот, објаснувајќи ги разликите во претходното раководење со општината и сега.

По повод големиот христијански празник Велигден подгрупата од навивачката група “Чкембари“, “Ултрас“ од Битола деновиве реализира хуманитарна акција, а денес донацијата беше предадена во Домот за доенчиња и деца без родители во Битола.

Донацијата која денес “Ултрасите“ ја предадоа во Домот се состои во храна и друго што му е потребно на Домот. 

Идејата и реализацијата на оваа хумана акција “Ултрас“ ја негуваат подолго време, а донираат во Домот за доенчиња и деца без родители во Битола традиционално на Велики Четврток за Велигден, а донираат и за Божик. Од Домот за доенчиња и мали деца се заблагодарија на донацијата и на “ултрасите“ им доделија благодарница за спроведената хуманитарна акција.

Инаку “Ултрас“ Битола е подгрупа во “Чкембари“ и е една од најстарите, која годинава  прослави 20  години, а формирана во 2005 година.