Градоначалникот на Битола, Тони Коњановски, им честиташе на кадетите на РК Еурофарм Пелистер за историскиот успех и пласманот на Ф4 турнирот во младинската ракометна Лига на шампиони. По драматичната победа со 37-36 над Динамо Букурешт, младите пелистерци обезбедија место меѓу најдобрите четири екипи во Европа во категоријата до 18 години.

„Битола е горда на вас момци! Го носите името на нашиот град со гордост и срце на европската сцена“, изјави Коњановски. Успехот доаѓа како резултат на посветената работа на младите играчи, тренерскиот тим и поддршката од клубот и заедницата.

ОЈО Кочани бара мерки на препазливост и за синот на газдата на дискотеката, кој досега беше на болничко лекување, а е еден од осомничените во постапката.  

Оттаму информираат и дека мерката куќен притвор е заменета со мерки на претпазливост и за поранешните директори на Пазарниот инспекторат Горан Трајковски и Анета Симеска Димоска.  

За екс директорите замената на мерките е побарана врз основа на проценка на законските основи за обезбедување и фазата на проверки во однос на оваа институција.

– Освен ова, за првпат по настанот побарани се мерки на претпазливост за уште едно лице од првата група осомничени, кое до сега беше на лекување. Станува збор за лице од дискотеката, а мерките се предложени во согласност со неговата моментална здравствена состојба и потребата од натамошно лекување, информираат од ОЈО Кочани.  

Во ефективен притвор останува екс министерот за економија Крешник Бектеши, неговите претходници Ваљон Сарачини и Беким Незири остануваат во домашен притвор. За амбасадорот Дритон Кучи кој исто така раководеше со ова министерство изречени се мерки на претпазливост. 

Во куќен притвор се и поранешните градоначалници на Кочани, Љупчо Папазов, Ратко Димитриевски и Николчо Илиев. 

За пожарот во кочанската дискотека во кој загинаа 62 лица, досега има 59 осомничени. Меѓу нив се и 14 полициски службеници кои се опфатени со посебна истражна постапка која ја води Обвинителството за гонење на организиран криминал и корупција. Сите добија мерки на претпазливост.

На протестен марш „Задоцнета реакција“ утре во Кочани по трет пат излегуваат семејствата на настраданите во пожарот кои на ваков начин бараат правда за најголемата трагедија во поновата историја. 

Директорот на Агенцијата за храна и ветеринарство, Оливер Миланов, за емисијата „Бизнис 21“ на Тв21 истакна дека во Република Македонија има многу небезбедна храна и досега се откриени 300 тони.

– Вкупно се откриени околу 300 тона небезбедна храна поради неусогласености или недоследности на истата таа храна. Станува збор за кондиторски производи, млечни, сувомеснати, преработена храна, за природни минерални води, мед, овошје, зеленчук, порача Миланов.

Тој додаде дека има места каде што храната се чуваа во несоодветни услови.

– Кога ќе биде пуштена во промет, во однос на храната која треба да биде термички да биде обработена или чувана, или во магацин кој е пријавен од нивна страна, а е складирана во друг простор каде нема термички режим на работа, на таков вид наидуваме многу на терен, истакна Миланов.

Директорот на АХВ кажа дека бил запрепастен од она што го затекнале инспекторите на терен во Охрид, Струга, Преспа и Дојран.

– Тоа што го видов во овие места беше запрепастувачки. Имаше многу нерегистрирани оператори, откривме 8,8 тони небезбедна храна, истакна Миланов.

Тој се пожали дека Агенцијата за храна и ветеринарство се соочува со недостаток на инспектори, што го отежнува спроведувањето на редовните контроли на безбедноста на храната.

– Во пензија лани отидоа десетина инспектор, оваа година одат 18. Недостасуваат најмалку 25 инспектори, вели Миланов.

извор: Тв 21