Бројни полициски екипи со тешки возила, се позиционирале денес на стратешки места во Арачиново, пишува 4news. Засега нема официјални информации за акцијата.

Регионoт на Арачиново често е во центарот на операциите против криминални групи.

Градоначалникот на општина Кисела Вода, Орце Ѓорѓиевски, по повод Велики Петок, упати порака на длабока тага, стравопочит и духовна преобразба, повикувајќи на покајание, добрина и човечност.

„Најстрашен и најкрвав од сите денови во историјата – ден кога луѓето го распнале Бога, а Бог ги спасил луѓето“, напиша Ѓорѓиевски, потсетувајќи на симболиката на денот кога Исус Христос, преку своето страдање и распнување на Крстот, ја покажа најголемата љубов кон човештвото.

Заедно со бројни верници од Скопје, Ѓорѓиевски ја посети црквата „Св. Петка“, каде што во тишина и молитва се соединиле со значењето на Велики Петок, носејќи во срцата смиреност, благодарност и надеж.

„Тоа е ден кога секој од нас треба да застане пред себе, да се потсети на вистинските вредности и да се насочи кон добрината, сочувството и простувањето“, истакна тој, додавајќи дека Христовата жртва е инспирација за посветеност на љубовта, правдата и човечноста.

Градоначалникот Ѓорѓиевски од срце им посака на граѓаните овој Велики Петок да донесе мир во душите, светлина во мислите и сила во срцата, со вера, надеж и радост да се дочека Воскресението.

По повод верскиот празник „Воскресение Христово-Велигден” утре, Единицата за безбедност на патниот сообраќај при СВР Скопје ќе воведе посебен режим на сообраќај на одредени сообраќајници во централното градско подрачје на град Скопје, како и во општините Ѓорче Петров и Аеродром.

Имено, утре во периодот од 18.00 часот па до завршувањето на настанот по повод верскиот и државен празник „Воскресение Христово-Велигден”, во центарот на град Скопје по потреба, за сообраќај ќе бидат затворени:

– бул.„Партизански Одреди” од крстосница со ул.„Франклин Рузвелт” до крстосница со бул.„ВМРО”,
– бул.„Св.Климент Охридски” од крстосница со бул.„Илинден” до крстосница со ул.„Димитрие Чуповски”,
– ул.„Митрополит Теодосиј Гологанов“ од крстосница со ул.„9-ти Мај” до кружна крстосница со ул.„Св. Кирил и Методиј”.

На автобусите кои што минуваат преку мостот „Гоце Делчев” по потреба ќе им се менува трасата на движење при што истите ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што минуваат преку центарот на градот ќе се движат по ул.„М.Т.Гологанов” па преку ул.„Франклин Рузвелт” ќе се вклучуваат на бул.„Партизански Одреди”. И во спротивна насока автобусите ќе ги користат истите сообраќајници.

Во општина Ѓорче Петров по потреба за сообраќај ќе се затвори ул.„Македонска Војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.

Во општина Аеродром по потреба за сообраќај ќе биде затворен локалниот пат кон с. Лисиче.

По потреба за сообраќај ќе бидат затворени и други сообраќајници кои гравитираат околу верските објекти.

Министерството за внатрешни работи апелира до граѓаните да ги почитуваат наредбите што ги издаваат полициските службеници.