38-годишниот С.С. од село Буковиќ загинал во сообраќајна несреќа што се случила вчера, 16 април, околу 18:25 часот, на локалниот пат помеѓу селата Копаница и Бојане, а сопатникот се бори за живот.

Мотоциклот „Сузуки“ со скопски регистарски ознаки, кој го управувал С.С., излетал надвор од патот, при што возачот починал на местото на несреќата. Сопатникот во мотоциклот, 41-годишниот С.Ј. од село Копаница, се здобил со тешки телесни повреди и бил пренесен во Комплексот клиники „Мајка Тереза“.

„Истрагата за причините на несреќата е во тек. Извршен е увид на местото на настанот од страна на јавен обвинител и увидна екипа од СВР Скопје. Кај возачот е констатирана смрт на местото, додека сопатникот е задржан на лекување во болница, но не се познати сите детали за неговата состојба“, информираат од полицијата.

По наредба на јавен обвинител, телото на починатиот било дадено на обдукција. Според првичните информации, причините за несреќата сè уште не се утврдени, но истрагата продолжува.

Приведен насилник од Кичево, со нож нападнал ученици, полициски службеници, обезбедување во болницата

На 16.04.2025 во 11.45 часот на улица „Круме Угриноски“ во Кичево, полициски службеници од ОВР Кичево го лишиле од слобода Е.З.(28) од Кичево. На улица „29 Ноември“ во Кичево, тој со закана со остар предмет сопрел такси возило и се заканувал на возачот, по што во две средни училишта агресивно се однесувал и физички нападнал ученици и вработени, а нападнал и случаен минувач на Градскиот кеј на реката Сушица и вработен како обезбедување во Медицинскиот центар во Кичево, на кого му нанел повреда со остриот предмет. Подоцна, откако бил приведен, во службени простории на ОВР Кичево Е.З. физички нападнал и полициски службеник. По целосно документирање на настанот, против лицето ќе биде поднесена соодветна пријава.

По кратка, но тешка болест, почина српската водителка и манекенка Даниела Борачeва, пренесуваат регионалните медиуми.

Борачeва беше позната по својот ангажман во промовирањето на здрав начин на живот, како и по издавањето на книгата „Мојот манекенски готвач“, која содржи рецепти и совети за урамнотежена исхрана.

Тажната вест ја соопшти нејзиниот сопруг преку социјалните мрежи, споделувајќи емотивна порака со која ѝ се прости:

„Почивај во мир, кралице“, напиша тој.