Денешното коло од Првата македонска фудбалска лига (ПМФЛ) беше проследено со серија инциденти и реакции кои ја засенија спортската страна на настаните. Натпреварите завршија со бурни сцени, а атмосферата на терените беше далеку од мирна, пишува Спортски.мк

Најпрво, екипата на Воска Спорт го прекина натпреварот против Вардар, откако играчите решија да го напуштат теренот на околу петнаесетина минути пред крајот, при резултат 1-1. Причината беше незадоволство од судиската одлука по спорната ситуација што претходеше на голот на Вардар.

Најдраматично, сепак, беше по завршувањето на натпреварот меѓу Струга Трим Лум и Гостивар, каде дојде до физичка пресметка. На видеоснимките кои се појавија на социјалните мрежи, може да се забележи како во конфликтот се вмешуваат не само фудбалери и членови на стручните штабови, туку и лица кои не се официјално дел од клубовите.

Неочекувано разочарувачката сезона за Реал Мадрид може да доведе до сериозни промени на „Сантијаго Бернабеу“ ова лето.

Иако првоначално се шпекулираше дека единствениот голем трансфер ќе биде оној на Трент Александер-Арнолд, кој на крајот на сезоната треба да стане слободен агент, падот на формата и неуспешните настапи на домашен и европски терен го натераа раководството на „кралевите“ да размислуваат многу пошироко.

Во фокус повторно се најдоа два позната имиња од шпанската фудбалска сцена – Мартин Зубименди од Реал Сосиедад и левиот бек на Џирона, Мигел Гутиерес, кој претходно беше дел од младинската школа на Реал Мадрид.

Но, тоа не е сè. Се најавува и поширока трансфер офанзива, со планови за ангажман на најмалку уште четворица нови играчи: централен дефанзивец, десен бек, уште еден креативен играч за средниот ред, како и потенцијален напаѓач доколку се појави соодветна опција на пазарот.

Хамилтон нема да биде казнет за инцидентот со Албон во Џеда

Возачот на Ферари, Луис Хамилтон, нема да се соочи со казна поради инцидентот со возачот на Вилијамс, Александар Албон, за време на вториот слободен тренинг пред трката за Големата награда на Саудиска Арабија во Формула 1.

Судиите утврдија дека ситуацијата во кривината 17 не била доволно опасна за да бара предупредување или санкција. Според нивната проценка, Хамилтон го попречил Албон без потреба, но инцидентот не бил сериозен.

Во истрагата беа вклучени и претставници од двата тима, а покрај сведочењата беа разгледани и видеоснимки, податоци од телеметријата и комуникацијата преку тимското радио. Интересно е што Албон на сослушувањето изјавил дека ситуацијата не ја смета за опасна, иако претходно имал поинакво мислење.

На вториот слободен тренинг на уличната патека во Џеда, најдобро време постигна Ландо Норис од Мекларен, со резултат од 1:28.267 минути.

Третиот слободен тренинг е закажан за сабота во 15:30 часот, додека квалификациите ќе се одржат три и пол часа подоцна.

Трката за Големата награда на Саудиска Арабија, која е петта во овогодишниот календар на Формула 1, ќе се вози во недела со почеток во 19:00 часот.