Денеска на ден Велигден почина музичкиот великанот од нашата генерација, Тоше Поп Симонов.  Остави музика и човештина за на век. Не задолжи сите кој соработувавме со него! Секогаш спремен да помогне, да се најде за се нешто, токму во правиот момент, кога мислиш дека цел свет ти пропаднал! Тоше беше тука и невозможното го правеше возможно! Ти благодарам друже за сe!, напиша Петар Георгиевски Камиказа, фронтменот на „Меморија“ на својот Фејсбук профил.

„Последно се чувме пред некој ден и долго зборувавме за неговото здравје, пишува тој. Беше борец и познавач на невозможното кога беше медицината во прашање, поготово последниве неколку години, но….. Но срцето јуначко и големо како планина престана да чука денес напладне. Немам сили да пишувам повеќе бидејки секој збор што ќе го напишам е премал за се она што го направи за сите нас.

Почивај во мир мајсторе над мајсторите и горе меѓу звездите една беседа и песна и да им направиш, за да можат и тие горе да те слават, како ние тука на земјата!!!

Погребот ќе биде во вторник од 11 и 30 до 12 и 30 во капела на градските гробишта во Скопје. До семејството искрено сочуство за огромната загуба!

Не можам повеќе, прости ми мајсторе, а имам цели фермани да пишам, едноставно

Привршува рехабилитацијата на магистралниот пат Охрид – Св. Наум

Рехабилитацијата на магистралниот пат од Охрид до Св. Наум, во должина од 24,3 километри, е во својата завршна фаза. Проектот, вреден 11,6 милиони евра, се финансира со средства од буџетот на ЈП за државни патишта.

Досега целосно е завршен асфалтниот слој на потегот од граничниот премин со Албанија до Пештани, во вкупна должина од 19 километри. Според најавите, целата траса ќе биде комплетирана до крајот на јуни, навреме пред стартот на туристичката сезона.

Во рамки на рехабилитацијата, заради зголемена безбедност и подобра прегледност на патот, беа расчистени нестабилни карпи и косини, монтирана е челична заштитна мрежа, а на одредени делници е поставена и патна ограда.

Останува да се довршат последните пет километри – делот од излезот на Пештани до хотелот Метропол – како и поставување на хоризонтална и вертикална сообраќајна сигнализација.

„Со рехабилитацијата на оваа важна сообраќајна артерија, не само што ја зголемуваме безбедноста и квалитетот на патувањето до Св. Наум, туку обезбедуваме и значајна врска со соседна Албанија“, изјави министерот за транспорт и врски Александар Николоски.

Од Министерството потенцираат дека проектот има пошироко значење – подобрување на патната мрежа во охридскиот регион и зајакнување на туристичкиот и економскиот развој на градот.

Тепачка помеѓу две девојки во Скопје по сообраќајна несреќа.

Според полицискиот билтен, денеска во 02:10 часот во СВР Скопје, И.Ј.(27) од Скопје пријавила дека околу 01.40 часот на подрачјето на Чаир, по претходна случена сообраќајна незгода, била физички нападната од 32-годишната М.К. од Скопје.

По целосно документирање на случајот ќе следува соодветен поднесок.