Крвниот притисок не е ист за сите – зависи од полот и возраста

Кога крвниот притисок е во нормални граници, целиот организам работи ускладено, а срцето пумпа крв без оптоварување. Сепак, вредностите на притисок не се универзални – не важат исто за сите.

Полот и возраста играат голема улога во тоа што се смета за „нормално“. Затоа, не може да се применува ист шаблон за сите луѓе. Еве што покажуваат препораките:

Нормален крвен притисок кај мажи:

Над 20 години: 123/76

До 30 години: 126/79

30–40 години: 129/81

40–50 години: 135/83

50–60 години: 142/85

Над 70 години: 142/80

Нормален крвен притисок кај жени:

Над 20 години: 116/72

До 30 години: 120/75

30–40 години: 127/80

40–50 години: 137/84

50–60 години: 144/85

Над 70 години: 159/85

Од табелата е јасно дека со возраста вредностите на притисокот природно се зголемуваат. Причината лежи во физиолошки промени – крвните садови, срцето и органите стареат и функционираат поинаку.

Важно е да се напомене: и високиот и нискиот притисок можат да бидат ризични. Најдобро е да го мерите редовно и да водите дневник на вредностите – тоа може да ви помогне да ги забележите евентуалните отстапувања навреме.

Велики петок – денот кога тишината зборува погласно од сè

Велики петок, или како што често го нарекуваме Велипеток, не е само обичен ден во календарот – тоа е најдлабокиот здив на тагата во христијанската вера. Денот кога Исус Христос беше распнат. Денот кога небото се стемни, а земјата како да ја почувствува болката на човештвото.

Во храмовите, атмосферата е свечена, но натопена со тага. Со вечерната служба се одбележува симнувањето на телото Христово од крстот. Пред олтарот се поставува посебно украсена прекривка – симболичен гроб на Спасителот, а верниците со трепет, со свеќи и молитви, трипати ја обиколуваат црквата – симболичен чин на сочувство, покајание и надеж.

Овој ден е посебен. На Велики петок не се јаде, не се пие – се пости строго, само со вода. Тоа не е само прашање на храна, туку на внатрешно прочистување. Се замолчуваат гласовите, се повлекува духот во себе, за да се допре тишината што носи порака: љубовта жртвува, но и воскреснува.

И денес, токму денес, се вапцуваат првите велигденски јајца – црвени, како симбол на Христовата пролеана крв. Тие не се само украс – тие се надеж. Порака дека по страдањето доаѓа воскресение.

На Велики петок не се работи, не се слави, не се прави врева. Овој ден е за тишина, за молитва, за личен разговор со совеста. Потсетник дека без болка – нема исцелување. Без страдање – нема воскресение.

Нека ни биде поука, но и светлина.

Овен

Денешниот ден може да донесе контакт со личност од минатото која може да биде клучна за некоја нова идеја или проект. Ако сте во врска, можно е да се отворат прашања околу важни ставови или вредности. Ќе се чувствувате стабилно и енергично.

Бик

Обврските се насобираат – дел и од порано, дел сосема нови – но вие сте навикнати на теретот. Ако сте започнале ново познанство, немојте да губите фокус – трпението и вниманието ќе ве однесат подалеку отколку што мислите.

Близнаци

Самодовербата денес ве води кон иницијатива и нови идеи. Ова е ден кога поддршката од вистинските луѓе може да направи огромна разлика. Во љубовта, важно е да се прилагодите и да покажете разбирање за другата страна.

Рак

Комуникацијата ви оди од рака и денот може да биде особено продуктивен. Ако сте заљубени – време е за конкретен потег. Нема место за чекање или калкулации, следете го срцето.

Лав

Неделата почнува со многу обврски, а вие – како и секогаш – сакате сè да биде под контрола. Но, денес размислете двапати пред да реагирате импулсивно. Бидете тактични, особено во приватниот живот.

Девица

Можеби ќе се соочите со мали проблеми при договарање или комуникација, но имате сила и трпение сè да заврши во ваша полза. Без потреба од форсирање – поминете го денот мирно, во друштво на саканите.

Вага

Се отвораат нови можности – и за проширување на тековните проекти, и за целосно нови иницијативи. Не очекувајте лесен пат, но резултатот ќе вреди. Емоционалниот дел е стабилен, што ви дава дополнителна сила.

Шкорпија

Бидете претпазливи со новите деловни договори – не преземајте повеќе отколку што можете да носите. Во љубовта, денот ќе помине без значителни промени – што не мора да биде лошо, напротив. Понекогаш, мирот е најголемиот подарок.

Стрелец

Иако не започна според планот, денот ќе ви покаже дека сте на прав пат. Ентузијазмот ќе ве турка напред. Во врската, намалете го темпото и дајте време на блиските – токму тие ви се најголем извор на сила.

Јарец

Некои работи може да се одвиваат побавно од очекуваното, но вие знаете дека стабилноста се гради со трпение. Бидете внимателни со распоредот и емоциите на блиските – особено ако сакате хармонија да преовладува во денот.

Водолија

Можно е да се променат некои од навиките или пристапот во работата – но не гледајте на тоа како на закана, туку како на прилика. Во љубовта, денес имате шанса да изградите цврста врска преку искрена комуникација.

Риби

Денот е малку нестабилен, со можни доцнења или промени во плановите, но тоа не е причина да се повлечете. Друштвениот живот ви носи интересни моменти – време е за нови познанства и свежа енергија. Излезете и вдишете слободно.