Барса ослабена пред финалето: Левандовски и Балде отпаднаа поради повреди, се враќа Тер Штеген

Фудбалерите на Барселона Роберт Левандовски и Алехандро Балде ќе го пропуштат утрешното финале на Кралскиот куп против Реал Мадрид поради повреди, соопшти денеска клубот од Каталонија.

Освен тие, за финалето во Севилја (почеток во 22 часот) нема да конкурираат ниту Марк Бернал и Марк Касадо, кои сè уште се во фаза на рехабилитација.

Добра вест за Барса е враќањето на првиот голман Марк-Андре тер Штеген, кој беше надвор од терените повеќе од седум месеци поради повреда.

Тренерот Ханси Флик го објави списокот на фудбалери кои ќе конкурираат за големото финале, а на него се наоѓаат:

Марк-Андре тер Штеген, Војчех Шчесни, Ињаки Пења, Пау Кубарси, Роналд Араухо, Ињаки Мартинез, Гави, Феран Торес, Педри, Ансу Фати, Рафиња, Пабло Торe, Андреас Кристенсен, Фермин Лопез, Пау Виктор, Ламин Јамал, Дани Олмо, Френки де Јонг, Жил Кунде, Ерик Гарсија, Ектор Форт и Жерард Мартин.

Финалето на Купот на Кралот ќе се игра утре вечер во Севилја, каде што Барселона и Реал Мадрид ќе се борат за трофејот во едно од најочекуваните изданија на „Ел Класико“.

Ракометарите на Вардар направија значаен исчекор кон враќање на шампионската титула во Скопје, откако синоќа, на исклучително драматично гостување, го совладаа актуелниот првак Пелистер со 35-34.

Авторот Ѓорги Минов со коавторскиот истражувачки тим составен од двајца стручни соработници Томислав Шескокалов и Ристо Сугарев како и рецензентот м-р Димитррија Андонов за прв пат на Велес му подарија исклучително значајно пишано дело поточно Монографија за најмасовната спортска дисциплина, фудбалот во Велес. На 206 страници, во колор техника, оваа значајна книга, опширно и сеопфатно го обработува во детали фудбаскиот живот на десетици истакнати фудбалери во генерациите, од 1919 до 2019 година, кои играле на игралиштата во Велес, во државата и во странство, ги бранеле боите на државата со игра или во тренерското столче на македонската репрезентација или биле Велешани кои вложиле дел од својот живот во развојот на оваа спортска дисциплина. Историската Монографија содржи и голем број на фотографии, сочувани од спортистите, од ветераните, спортските легенди, судии кои се живи или од семејствата на дел од нив кои не доживеаја да бидат современици на издаденото книжевно дело како и од бројни пријатели на фудбалот на кој Велешани му го даваат почесното прво место во сооднос со останатите спортови.

Монографијата „100 години фудбал во Велес“ вчера вечер беше промовирана во хотел Романтик, на езеро „Младост“ во присуство бројни фудбалери, велешки фудбалски ветерани, легенди, спортски функционери и поддржувачи. Авторот Ѓорѓи Минов ја имаше улогата на промотор.

Претседателот на Синдикатот на фудбалери, Панче Ќумбев е уредник на изданието. За Ќумбев целта на издавањето на монографијата е да ја прикаже историјата на фудбалот во Велес и да им остави во наследство на помладите генарции значајни податоци и фотографии за развојот и постигнувањето на спортот којшто одбележува повеќе од еден век постоење во градот.

Првите честитки за издавањeто на Монографијата, за авторот, за уредникот и за стручните соработници стигнаа од поранешниот фудбалер, велешка и македонска легенда Мирсад Јонуз кој во своето обраќање истакна дека голема сатисфакција за него претставува што е дел од велешката фудбалска историја. 

Своето задоволство од историскиот исчекор, да се забележи се што се случувало во фудбалот во Велес од неговите почетоци се до 2019 година, го соопшти и велешката фудбалска легенда Перо Ранготов.

Помеѓу присутните на синоќешната промоција беа и најсестраната спортска велешка легенда Тодор Мијаков, нешто помладата фудбалска легенда Трајче Ковачев потоа уште помладите Пепи Манасков и Мирсад Јонуз, како и бројни други познати фудбалери, судии, спортски работници, коишто се сеуште актуелни или се ветерани.

Монографијата „100 години фудбал во Велес“ е издадена во 300 примероци.

Извор: duma.mk