Трагичен крај на потрагата по исчезнатиот планинар од Велес
Стојче Пецевски од Велес, кој вчера се водеше како исчезнат, е пронајден мртов, потврди попладнево Центарот за управување со кризи (ЦУК).
Според информациите од ЦУК, условите утринава не дозволувале активирање на хеликоптер за пребарување, но телото на Пецевски било лоцирано непосредно пред да се изврши планираното хеликоптерско пребарување.
Пецевски исчезна вчера околу 10:50 часот, додека бил на планинарење во реонот на ридот ГРООТ, над Велес. Заедно со него имало уште неколкумина планинари, но за жал, потрагата по него заврши со трагичен епилог.
Неговиот пријател и долгогодишен планинар, Игор Смилев, вчера упати јавен апел до планинарските друштва, клубови и сите граѓани од Велес да се вклучат во потрагата, изразувајќи надеж дека Стојче ќе биде пронајден жив.
