По повод 1 Мај – Меѓународниот празник на трудот, министерката за енергетика, рударство и минерални суровини, Сања Божиновска, испрати поздрав до сите работници во енергетскиот сектор – од рудниците, преку електростопанствата, до мрежите за пренос и дистрибуција на енергија.

“Почитувани работници на енергетскиот сектор, Почитувани рудари, енергетичари, техничари, инженери, геолози, електричари, оператори и сите што го движите срцето на енергетскиот систем – ви го честитам 1 Мај, Денот на трудот, со длабока почит за тоа што секојдневно го вложувате.”

“Без вашиот труд – нема струја, нема топлина, нема индустрија. Вие сте тие што ја носите енергијата до секој дом, под земја и на далновод, во смени, во тешки услови, и секогаш со одговорност.”

“Вие не сте само дел од системот – вие сте силата што ја држи државата исправена”, истакна Божиновска.

Вашиот предаден труд, инвестираната сила и познавање, како што нагласи министерката, се придвижувач на нашата економија и гаранција за енергетската стабилност на државата.

“Благодарение на вас, и во најтешките услови, енергијата не запира – ниту за домаќинствата, ниту за стопанството.”

“Како министерка за енергетика, рударство и минерални суровини, ќе продолжам да се борам за подобри услови, за поголема поддршка, и за повеќе вреднување на секој чесен работник во нашиот сектор. Вашиот труд не смее да остане незабележан.”

Министерството за енергетика, рударство и минерални суровини останува силен партнер на секој енергетски работник и ќе продолжи да работи на креирање стабилна иднина на енергетскиот сектор.

“Денес, на 1 Мај, ние го славиме вашиот труд – Вие сте оние кои ја прават разликата,” напиша Божиновска во честитката.

Зголемена гужва е забележана на граничните премини „Табановце“ кон Србија и „Богородица“ кон Грција поради неработниот ден за 1 Мај. Времето на чекање за излез од државата достигнува околу половина час. Од Автомото сојузот на Македонија (АМСМ) апелираат возачите да возат внимателно и да ја почитуваат сообраќајната сигнализација.

Зголемена гужва на „Табановце“ и „Богородица“

Од утрово, на граничните премини „Табановце“ и „Богородица“ е забележана зголемена фреквенција на возила. Колони возила чекаат за излез од државата. Времето на чекање е околу 30 минути.

„На ‘Табановце’ и ‘Богородица’ има зголемена фреквенција на возила. Чекањето за излез трае околу половина час“, соопштија од АМСМ.

Причината за зголемената гужва е неработниот ден за 1 Мај.

Состојба на граничните премини

На веб-страницата на ЈП „Државни патишта“ може да се следи состојбата на граничните премини. Камерите на „Богородица“ покажуваат долги колони возила за излез кон Грција.

„Камерите на ‘Богородица’ покажуваат колони возила за излез од државата“, изјавија од ЈП „Државни патишта“.

Останатите гранични премини немаат подолги задржувања за влез или излез.

Апел за внимателно возење

АМСМ апелира до возачите да управуваат внимателно со возилата. Тие ги повикаа да ја приспособат брзината на сообраќајната сигнализација.

„Возете внимателно и приспособете ја брзината на сигнализацијата“, порачаа од АМСМ.

Овој апел доаѓа поради зголемена гужвана патиштата.

Неработниот ден за 1 Мај предизвика зголемен сообраќај на граничните премини. Граѓаните го користат празникот за патувања, особено кон Србија и Грција.

„Неработниот ден за 1 Мај ја зголеми фреквенцијата на возила“, потврдија од ЈП „Државни патишта“.

– Истрагата за пожарот во Кочани мора да заврши во законски предвидениот рок од 90 дена, односно до 16-17 јуни, вели Државниот Јавен обвинител Љупчо Коцевски. На овој тежок и комплексен случај со 62 жртви, Коцевски нагласи, дека деноноќно работат 13 јавни обвинители и со ваквиот интензитет на преземање дејствија истрагата ќе заврши навремено.

Коцевски, во интервју за Алсат М, посочи дека сега истрагата се работи за едно кривично дело „тешки дела против општата сигурност“ и ЈО тргнува од денот на настанот одејќи наназад до 2012 година кога дискотеката почнува да функционира, откога се сторени прописти, додека на крај на истрагата ќе се донесе обвинение во кое ќе биде образложено секое дејствие на секој потенцијален обвинет и ќе се утврди за кое точно дело евентуално може да се работи.

-Во конкретниот случај се опфатени неколку институциии. Дирекцијата за заштита и спасување, Општината како локална власт, Државен пазарен инспекторат и Министерството за економија, како издавач на лиценците. Секој имал одредени надлежности и тимот на јавни обвинители цени дека причинско-последичната врска е смрт на лицата кои биле во дискотеката. Пропусти што довеле до ова имало секоја година, што значи дека тие имаат еден каузалитет. Секоја година се пропуштале да се преземат одредени дејствија, појасни Коцевски.

Проширување на истрагата со нови лица, кои евентуално може да бидат осомничени и потоа обвинети, според Коцевски, може да се очекува до последниот ден на истрагата.

За вчерашната средба со родителите на семејствата на настраданите во пожарот, Коцевски рече дека дел од родителите поставиле одредени прашања кои им биле одговорени, нагласувајќи дека сето она што требало да им биде соопштено во оваа фаза, согласно закон, било соопштено.

-ЈО не е превентивен орган, туку репресивен. Обвинителството не може да постапува по допрен глас и да знае дали дискотеката има или нема одобрение за работа и дали таму се дистрибуираат наркотични средства… тоа е надлежност на МВР и другите институции. Откако МВР или другите институции ќе спроведат акција и доколку има евентуално елементи на некое кривично дело тогаш се известува Обвинителството, истакна Коцевски.

Во однос на обвинувањата за политичко водење на истрагата и за притворот на Крешни Бектеши, Коцевски, рече дека во никој случај обвинителскиот тим не држи без причина никој во притвор, ниту, како што рече, министерот Бектеши.

-Битно за притворот е дали може да влијае на сведоци, да ја повтори постапката и дали евентуално ќе се даде во бегство. Во конкретниот случај министерот, и не само тој, и дел од останатите осомничени се наоѓаат во притвор, но тоа не значи дека мора да останат во притвор. Се до моментот кога јавните обвинители ќе оценат дека има услови за определување притвор тие може да поднесат предлог и судот одлучува по тоа дали ќе определи или не, односно дали ќе го продолжи притворот или не, појасни Коцевски.

Прашан како гледа на тоа што ниту еден од актуелните министри во Владата не се обиде ниту да поднесе морална оставка, Коцевски, рече дека тоа е нивна лична одлука и не може да коментира.

Во однос на „Беса транс“ и „модуларната болница во Тетово“, Коцевски рече дека обвинителство и судот постапуваат по овие случаи и дека се ноаѓаат во второстепена постапка. Едниот е укинат и повторно вратен во првостепена постапка, а другиот се чека одлука пред Апелација.