Ова е првиот знак дека во телото ви се формирал тробм! Никако не смеете да го игнорирате

Сѐ повеќе млади лица под ризик од појава на тромб: Лекарите предупредуваат на сериозен здравствен проблем

Иако појавата на тромб традиционално се поврзува со лица постари од 60 години, лекарите алармираат дека границата на ризик се намалува. Сѐ почесто и помлади лица се соочуваат со оваа опасна здравствена состојба, која може да доведе до сериозни компликации, па дури и смртен исход.

Што претставува тромб?

Тромбот е крвно згрутчување кое природно се формира за да го спречи крварењето при повреда. Сепак, проблемот настанува кога се создава без реална причина и го попречува протокот на крв, што може да резултира со срцев или мозочен удар.

Каде може да се појави и какви симптоми предизвикува?

Тромбот може да се појави на различни места во телото, а симптомите варираат во зависност од локацијата:

Срце: болка во градите, забрзано чукање на срцето, недостаток на здив, мачнина, крваво искашлување. Овие симптоми бараат итна медицинска помош.

Мозок: главоболка, конфузија, слабост, проблеми со говор – симптоми кои наликуваат на мозочен удар.

Нога: болка, оток, промена на бојата на кожата. Доколку не се третира навремено, тромбот може да се придвижи кон белите дробови и да предизвика белодробна емболија.

Бели дробови: болка во градите, забрзано чукање на срцето, крвава кашлица и отежнато дишење – често без јасни симптоми.

Бубрези: крв во урината, намалено мокрење, обично без изразени симптоми.

Стомак: интензивни болки, повраќање крв, темна столица со непријатен мирис.

Кои се најризичните групи?

Најподложни на појава на тромб се лицата кои водат седечки начин на живот, се физички неактивни, страдаат од дебелина, имаат покачен холестерол, дијабетес, или неодамна прележале операција или сериозна повреда.