Македонец во „Симпсонови“ – лик од Македонија дебитира во новата епизода како бејзбол сензација

Во недела, на 27 април, во 20 часот по американско време (2 часот по полноќ во понеделник по македонско време), на телевизијата FOX ќе се емитува 15-тата епизода од 36-та сезона на легендарната анимирана серија „Симпсонови“. Она што ја прави оваа епизода посебна е тоа што за првпат во историјата на серијата ќе се појави лик од Македонија.

Веста ја сподели Невена Нешкоска, која заедно со нејзиниот брат Наум и сестра ѝ Калина стои зад детскиот едукативен канал „Дарко Биберко“. Таа откри дека новиот лик во серијата е спортист кој доаѓа во Спрингфилд како вистинска сензација од Македонија – иронично, во спорт кој не е баш македонски: бејзбол.

„Креаторите на „Симпсонови“ одлучиле да внесат лик – спортист кој доаѓа во Спрингфилд како голема сензација од Македонија. За кој спорт станува збор? Нормално, за најпопуларниот и најисконски македонски спорт… бејзбол“, напиша Нешкоска.

Таа дополнително сподели детали за вклученоста на неа и нејзиното семејство во креирањето на епизодата.

„Што се однесува на тоа како бевме вклучени во епизодата: учевствувавме во преводот, јас лично имав консултантска улога, а сите тројца испеавме песна што ја преведовме од англиски на македонски“, објасни Нешкоска.

Епизодата премиерно ќе се прикаже во недела вечер на американската телевизија FOX, а сите љубители на „Симпсонови“ кај нас ќе можат да ја проследат онлајн во понеделник наутро.

„Па ајде понеделник рано на сабајле сите да навиваме за нашите Springfield Isotopes“, додаде Невена.

Светкавa гала вечер на „Time“ во Њујорк: Никол Шерцингер ја засени вечерта со елеганција

Претставништвото на престижното списание Time синоќа организираше свечена гала вечер во Њујорк, по повод годишното објавување на листата „Time 100“ – список на 100 највлијателни личности во светот.

Како и секоја година, на црвениот тепих прошетаа бројни познати имиња од различни области – од уметност, наука, политика, па сè до забава. Но, една дама особено ја освои јавноста и медиумите.

Станува збор за пејачката Никол Шерцингер, која оваа година се најде на листата на Time благодарение на својот општествен ангажман и влијание во културната сцена. Таа пристигна на настанот во впечатлива црна тоалета со крој во стилот „сирена“, дело на познатиот либански дизајнер Зухаир Мурад.

Фустанот, богат со светки и со фино изработен сатенски дел околу градите, ги нагласуваше нејзините женствени линии, отворените раменици и нејзината елеганција.

Својот изглед Никол го заокружи со дискретна, брановидна фризура, природен make-up во топли, земјени тонови и, секако, со нејзината препознатлива насмевка која зрачи самодоверба и шарм.

Настанот уште еднаш покажа дека гламурот и влијанието одат рака под рака, а Никол Шерцингер, без сомнение, беше синоќешната ѕвезда.

ОВЕН

Мислеше дека си финиширал со една обврска, но денес – изненадување. Ќе мора да се вратиш назад и да го довршиш. Внимавај како се однесуваш со претпоставените – може да им засмета твојата лежерност. Во љубовта – премалку време, премногу обврски.

БИК

Сметаше дека ќе ти оди полесно, но реалноста те спушта на земја. Добрата вест? Со малку труд – ќе го завршиш планираното. Во љубовта – копнееш по промена, нешто ново и возбудливо.

БЛИЗНАЦИ

Имаш позитивна енергија, иако неколку ситуации ќе те испровоцираат. Партнерот те сака покрај себе, но имаш и друг повик од пријател… Тешко е да угодиш на сите – некој ќе се налути.

РАК

Денес добиваш задачи како на трака. Организирај се добро за да не се изгубиш во сè. Во љубовта, љубомората од партнерот ти пречи, ама и натаму избегнуваш сериозен разговор.

ЛАВ

Работата ќе ти одземе повеќе време отколку што очекуваше. Планираните активности ќе мора да почекаат. Една личност добива суптилни сигнали од тебе – и тоа не поминува незабележано.

ДЕВИЦА

Сѐ што си замислил – ќе завршиш. Можна е помош од колега, што ќе ти го олесни денот. Можеби ќе мораш да исполнуваш некое ветување наместо да се видиш со партнерот.

ВАГА

Комуникацијата на работа не оди баш мазно. Разликите не се длабоки, ама доволни за нервоза. Сакаш да видиш некого, но не се разочарувај ако не ви се поклопат плановите.

ШКОРПИЈА

Нервозата ќе те следи во позадина, особено околу обврските. Не влегувај во туѓи расправии – не вреди. Во љубовта – делуваш оддалечено, можеби и сам не знаеш што сакаш денес.

СТРЕЛЕЦ

Планираше многу, но деловните ситуации нема да ти дадат лесен ден. Плус – грижа околу трошоци. Во љубовта, страста е во прв план – и тоа не е лошо воопшто.

ЈАРЕЦ

Чудно си нерасположен, а реално – нема причина. Работите се стабилни. Но, во љубовта – љубомора, контрола и посесивност ти се вртат во глава. Дај си малку простор за размислување.

ВОДОЛИЈА

Некој од работа не држи до зборот – и те фаќа фрустрација. Во меѓувреме, некој колега покажува интерес за тебе. Те интригира, но не си баш сигурен каде води тоа.

РИБИ

Иако си незадоволен од моменталната ситуација на работа, се трудиш да останеш над сето тоа. Во љубовта – сè е на свое место. Партнерот се труди да ти ја подигне енергијата – и успева.