Република

Битола: Одржан состанок на локалниот совет за превенција – Зголемени полициски контроли и вклученост на родителите за зголемена безбедност на младите, посебно во пресрет на матурските забави

ОДРЖАН СОСТАНОК НА ЛОКАЛНИОТ СОВЕТ ЗА ПРЕВЕНЦИЈА – ЗГОЛЕМЕНИ ПОЛИЦИСКИ КОНТРОЛИ И ВКЛУЧЕНОСТ НА РОДИТЕЛИТЕ ЗА ЗГОЛЕМЕНА БЕЗБЕДНОСТ НА МЛАДИТЕ, ПОСЕБНО ВО ПРЕСРЕТ НА МАТУРСКИТЕ ЗАБАВИ

Советот за превенција при Општина Битола, денес одржа состанок на кој се разгледуваа неколку важни теми. Ситуацијата со деца малолетници во локали во ноќните часови, проблемот со деца под дејство на алкохол и обезбедувањето на безбедност на подрачјето на општина Битола за одржување на престојните матурски и полуматурски прослави, беа разгледувани како една точка на која беа презентирани моменталните состојби и беа претставени мерки за подобрување на јавната безбедност и ред, како и засилено патролирање и контролирање на јавниот ред и мир. Од страна на МВР информираа дека Одделот за превенција спроведува континуирани активности, со цел да се подигне свеста кај граѓаните и да не се предизвикуваат прекршоци.

Градоначалникот Коњановски, замоли за зголемено присуство на МВР на терен со цел зголемување на безбедноста.

Од страна на МВР и Центарот за социјална работа, беше нагласено дека родителите треба да бидат поотворени за соработка, да се организираат едукативни собири, како родителите би биле активно вклучени во активностите за спречување на конзумирање алкохол и управување со мотори и автомобили.

МВР информираше дека, согласно доставениот список од сите организирани матурски прослави, на терен ќе има присуство на униформирани лица, а до родителите апелираа, да не им се дозволи на матурантите да управуваат со автомобили.

Градоначалникот Коњановски, нагласи дека општината е подготвена да излезе во пресрет за организација на секаков вид едукативни настани.

Исто така, градоначалникот Коњановски, побара поголема вклученост на сите одговорни субјекти за решавање на проблемот со кучињата скитници, посочувајќи дека не е ретка појавата на испуштање кучиња од сопственици особено во делот кај поранешната Касарна.

Директорот на ЈП Комуналец, информираше дека досега преку прифатилиштето „Хачико“, третирани се 193 кучиња, но и дека за сите проблеми на терен известена е и Агенцијата за храна и ветеринарство и се прават обиди за заедничко делување.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.

Република

Мал авион се сруши во Мавровско Езеро, едно лице повредено

Мал авион утрово се урна во Мавровско Езеро, при што две лица се наоѓале во леталото, а едното од нив е повредено. Инцидентот бил пријавен на бројот 112, по што информацијата веднаш била проследена до надлежните служби.

Директорот на Центарот за управување со кризи, Мухамед Али, изјави дека ЦУК ја информирал СВР Тетово, Итната медицинска помош и Регионалниот центар за управување со кризи – Тетово за потребната итна интервенција.

Екипите веднаш излегле на терен и работат на извлекување и обезбедување на лицата од авионот, како и на утврдување на причините за падот.

Извор: тв21

Република

Проданоски ги повика прилепчани на заедничко одбележување на Свети Никола

Градоначалникот на Прилеп, Дејан Проданоски, упати покана до граѓаните да присуствуваат на централното одбележување на Градската слава и патрониот празник на градот – Свети Никола. Оваа година се одбележуваат 20 години од прогласувањето на Свети Никола за заштитник на Прилеп, значаен јубилеј кој, како што истакна Проданоски, го зацврстува чувството на заедништво и традиција.

Свеченото одбележување ќе започне во 08:00 часот со литургија во храмот „Св. Благовештение“. Во 12:00 часот пред параклисот „Св. Никола“ ќе се одржат водоосветување и прережување на славскиот колач, по што граѓаните заедно ќе се упатат кон плоштадот „Александрија“. На плоштадот ќе биде поставена традиционалната светиниколска посна трпеза, а празничната атмосфера ќе ја збогати настапот на групата „Тајфата“ на Камената бина.

Проданоски ги повика сите прилепчани, како и граѓаните од цела Македонија, да се приклучат на прославата и да го одбележат празникот со заедничка радост и достоинство.