Бурим Латифи оцени дека секој состанок со Демократската унија за интеграција (ДУИ) претставува најмалку флагрантно кршење на народната волја за промени, која беше изразена преку 107 илјади чисти албански гласови.

„Народната мобилизација минатата година, која ја испрати ДУИ во опозиција по 22 години, беше инспирирана од ветувањето за нов дух во управувањето, за принципиелна политика и за генерација политичари кои го исполнуваат дадениот збор“, изјави Латифи.

Тој додаде дека контроверзниот договор за соработка со ДУИ претставува крајно отстапување од идеалите за кои се здружија петте политички субјекти – ЛД, Беса, Алтернатива, Алијанса и ВВ. Според него, секоја приближувачка политичка математика со ДУИ го поткопува легитимитетот добиен на изборите и довербата на граѓаните во ветените промени.

Али Ахмети и Арбен Таравари имаа две, или три директни средби, нивните контакти не беа само разговор преку телефон! Јас не го знаев ова, но добив информации за тоа.“ – изјави Зијадин Села, лидерот на крилото во Алијансата за Албанците во емисијата „Клик Плус“ на ТВ 21, коментирајќи ја изјавата на Арбен Таравари, кој негираше дека имал средба со лидерот на ДУИ Ахмети и тврдеше оти со него имал само телефонски разговор.

Во ова тврдење на Зијадин Села, кое го пренесе ТВ 21, не појаснил и што евентуално разговарале Ахмети и Таравари на неколкуте средби, ако е ова точна информација.

Премиерот Христијан Мицкоски изрази сочувство по повод смртта на папата Франциск во кое посочува дека тој како духовен водач зад себе остава неизмерно хуман, чесeн и посветен траг во историјата на современиот свет.

„Неговата порака за мир, солидарност, грижа за најранливите и дијалог меѓу народите беше светлина за милиони луѓе, без разлика на верата или нацијата. Беше глас на совеста во време на глобални предизвици и неизмерен пример за човечност и морална храброст. Папата Франциск низ годините континуирано ја изразуваше својата поддршка за Македонија – за нејзините напори за мир, соживот и почитување на различностите“, се истакнува во објавата на премиерот Мицкоски на неговиот  фејсбук профил.

Премиерот додава дека неговите зборови секогаш охрабруваа, а неговиот однос кон нашиот народ беше исполнет со топлина и почит.

„Во мое лично име, во име на Владата и на граѓаните, упатувам најискрено сочувство до Ватикан, Католичката црква и сите верници кои денес тагуваат. Вечна му слава и благодарност“, се наведува во изразеното сочувство на Мицкоски за Папата Франциск.