Русија го одби предлогот на Украина за продолжување на примирјето на 30 дена.

Според портпаролот на Кремљ, Дмитриј Песков, Москва го разгледала предлогот на украинскиот претседател Володимир Зеленски, но истакна дека без решение на бројни прашања, долгорочно примирје не е можно.

Песков додал дека ова е ставот на претседателот Владимир Путин, кој во март, при предлогот на американскиот претседател Доналд Трамп, постави услови за примирје, вклучувајќи забрана за Украина да го користи примирјето за повторно групирање или вооружување, како и забрана за испорака на западно оружје.

Русија исто така не предложи никакви измени во врска со преговорите со Украина.

Путин најави едностран прекин на огнот од 8 до 11 мај за да се поклопи со парада на Денот на победата на Црвениот плоштад.

Непал со нов услов за дозвола за Еверест – искуство со врв од 7000 метри задолжително

Непалските власти планираат да воведат ново правило според кое дозвола за искачување на Монт Еверест ќе може да добијат само оние планинари кои претходно успешно се искачиле на барем еден врв висок над 7000 метри – и тоа во рамки на територијата на Непал. Овој потег е дел од предложен закон чија цел е намалување на пренатрупаноста на највисокиот врв на светот и подобрување на безбедноста за сите учесници во експедициите.

Непал, чие стопанство во голема мера се потпира на планинарењето, трекингот и туризмот, се соочува со сериозни критики поради тоа што дозволува голем број – често и неискусни – планинари да се обидат да го освојат врвот висок 8849 метри. Пренатрупаноста на патеките до врвот редовно резултира со долги редици, особено во таканаречената „Зона на смртта“, каде што нивото на кислород е премногу ниско за нормално човечко функционирање.

Според официјалните податоци, во 2023 година најмалку 12 луѓе го загубиле животот на Еверест, а петмина сè уште се водат како исчезнати. Во истата година, непалските власти издале рекордни 478 дозволи. Осум смртни случаи беа евидентирани и во 2022 година.

Со новиот нацрт-закон, освен што кандидатот мора да достави доказ за искачување на врв над 7000 метри во Непал, задолжително ќе биде и присуство на локален сардари (одговорен за логистиката на експедицијата), како и планински водич – двајцата мора да бидат непалски државјани.

Законот веќе е внесен во Националното собрание, каде што владејачката коалиција има мнозинство за негово изгласување.

Сепак, предлогот не наиде на едногласна поддршка. Меѓународните организатори на експедиции апелираат условот да важи за секој врв над 7000 метри – без разлика дали се наоѓа во Непал или не.

„Ова не е логично. Би ги вклучил и познатите врвови близу 7000 метри што се користат за подготовка – како Ама Даблам, Аконкагва, Денали и други“, изјави Лукас Фуртенбах од австриската агенција Furtenbach Adventures, кој во моментот води експедиција на Еверест.

Тој додаде дека треба да се дозволи ангажирање и на водичи од други земји, бидејќи Непал нема доволно сертифицирани IFMGA водичи (Меѓународна федерација на здруженија на планински водичи).

„Важно е водичите да имаат меѓународна лиценца, независно од нивната националност. Ние, на пример, поддржуваме непалски IFMGA водичи да работат на Алпите“, рече тој за Reuters.

Сличен став има и Гарет Медисон од американската компанија Madison Mountaineering, кој предлага лимитот да биде спуштен на 6500 метри, без ограничување на локацијата.

„Во Непал е многу тешко да се најде соодветен врв над 7000 метри што е погоден за искачување“, вели Медисон.

Според непалскиот туристички оддел, земјата располага со повеќе од 400 отворени планински врвови за експедиции – од нив 74 се повисоки од 7000 метри. Но, планинарските здруженија предупредуваат дека само мал број од тие врвови се навистина атрактивни за искачување.

„Реално, само неколку од тие врвови навистина привлекуваат интерес“, истакнува Таши Лакпа Шерпа од агенцијата 14 Peaks, кој досега осум пати се има искачено на Еверест.

Во текот на ноќта меѓу 28 и 29 април, руските противвоздушни сили успеале да уништат 40 украински беспилотни летала од типот „авиони“. Во периодот од 20 часот на 28 април до 6 часот наутро на 29 април, според московско време, системите за противвоздушна одбрана собориле вкупно 91 украински дрон, од кои дури 40 биле над областа Курск, соопшти Министерството за одбрана на Русија.

Како што се наведува во официјалното соопштение, токму во таа ноќ дежурните сили успешно ги пресретнале и уништиле сите дронови, покажувајќи високо ниво на подготвеност и прецизност.

Министерството не открива колку беспилотни летала вкупно биле лансирани од украинска страна, ниту дали некои од нив предизвикале материјална штета.

Рускиот претседател Владимир Путин претходно изјави дека украинските сили биле целосно протерани од Курската област уште пред повеќе од осум месеци.