Реиздавањето станови во Скопје станува добар бизнис. Трендот на изнајмување станови за една вечер, во последно време, е доста актуелен. Ги изнајмуваат становите, а потоа ги реиздаваат преку Airbnb и Booking. Заработката е повеќе од двојна, односно од 250 евра, па нагоре, во зависност од тоа дали станот е постојано издаден или некои денови е празен. Од агенциите за недвижности објаснуваат за весникот ВЕЧЕР дека, во последно време, се зголемува побарувачката за изнајмување станови за една вечер, поради што сè почесто се бараат станови за реиздавање. Освен за швалерај, се издаваат станови за краток престој и на странци и на луѓе од внатрешноста, кои доаѓаат во Скопје за преглед, лекување…
