Оваа намирница нуди брзи и видливи резултати: Третмани за здрави и негувани стапала со јаболков оцет
Покрај грижата за ноктите, важно е повремено да се посветиме и на петите – да ја потсредиме кожата и да ги отстраниме мртвите слоеви. Иако сето тоа може да се направи во салон, многумина претпочитаат третманите да ги спроведат во комфорот на сопствениот дом.
Најголемиот сојузник во таа мисија доаѓа токму од кујната – јаболковиот оцет. Оваа природна состојка, често користена во народната медицина, содржи оцетна киселина која има силно антимикробно дејство и низа бенефити за здравјето на кожата.
Јаболков оцет против суви и испукани пети
Доколку се борите со сува и груба кожа на петите, еве брзо и ефикасно решение: Натопете парче памук со јаболков оцет и нанесете го директно на проблематичното место. Фиксирајте го со завој, леплива лента или облечете тенка чорапа за да остане на место. Оставете го така преку ноќ.
Повторувајте го третманот неколку пати неделно. По неколку дена, кожата ќе стане значително помека, што ќе ви овозможи полесно отстранување на мртвите наслаги со турпија или камен.
Против курје око
Курјето око може да биде многу болно и упорно. Едноставен домашен третман вклучува 3 до 5 таблети аспирин, кои треба да се изронат во прав и да се помешаат со неколку капки јаболков оцет, сѐ додека не се добие густа смеса.
Ставете ја смесата на курјето око, замотајте со крпа или завој и оставете да делува 10 до 15 минути. Потоа, внимателно отстранете ја мртвата кожа со камен за стапала или турпија.
Против габички на стопалата
Јаболковиот оцет е докажан сојузник и во борбата против габични инфекции. Во плиток сад измешајте еднакви количини топла вода и јаболков оцет – во сооднос 1:1. Потопете ги стапалата и држете ги 30 минути.
По завршување на третманот, задолжително добро исушете ги стапалата, бидејќи влагата е еден од главните предизвикувачи на габични инфекции. Третманот може да се повторува секојдневно, но не повеќе од три пати дневно.
