Магазин

Поранешен стјуард открива: “Никогаш не го нарачувајте ова во авион – тоа е рај за бактерии”

Поранешен стјуард открива: Што никако не треба да консумирате во авион

Иако некои намирници и пијалаци може да изгледаат примамливо за време на лет, поранешниот стјуард Алекс Квигли предупредува дека токму тие може да бидат ризик за здравјето. Според неговото искуство, постојат храна и пијалаци кои значително го зголемуваат ризикот од труење со храна додека сте во воздух.

Кафето и чајот се меѓу првите на листата на сомнителни избори. Квигли објаснува дека водата која се користи за подготовка на топли напитоци во авионите често се складира во резервоари кои долго време не се чистат.

„Не знам кој и кога ги чисти тие резервоари. Тоа е идеално место за развој на бактерии“, вели тој, додавајќи дека во текот на неговата кариера никогаш не видел некој да ги празни или пере меѓу летовите.

Ризична храна и непријатности во кабината

Покрај напитоците, Квигли предупредува и на храна што треба да се избегнува. Месото, иако често делува како вкусна опција, носи најголем ризик, особено поради тоа што неговото складирање зависи од стјуардите, а летовите често доцнат или се одложуваат.

„Не е гарантирано дека месото е правилно складирано и дека е со добар рок“, додава тој.

Исто така, предупредува на намирници кои можат да предизвикаат гасови и непријатности во затворениот простор на кабината. Млечни производи, грав, мрсна храна, зелен лиснат зеленчук и газирани пијалаци се меѓу главните виновници за лош квалитет на воздухот во авионот.

Алкохолот и надморската височина – опасна комбинација

Кога станува збор за алкохолот, Квигли објаснува дека иако многумина посегнуваат по чаша вино или пиво за релаксација, телото на надморска височина поинаку реагира.

„Кога ќе падне притисокот во кабината, телото не апсорбира кислород како што треба, што прави алкохолот да влијае посилно отколку на земја“, вели тој и советува патниците да се воздржат од пиење.

Д-р Дарин Детвајлер, експерт за безбедност на храна од Универзитетот Нортиестерн во Бостон, истакнува дека контролата на безбедноста на храната во авиони е особено тешка. „Затворениот простор ја отежнува превенцијата и контролата на евентуални зарази“, додава тој.

Совет за патници: Ако сакате безбеден и удобен лет – бидете внимателни што јадете и пиете.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.