Првиот симптом на деменција се јавува на устата, доколку го забележите овој симтпом, веднаш посетете лекар

Сувата уста – потенцијален ран знак за деменција?

Деменцијата е состојба што сериозно го нарушува животот на пациентите и нивните најблиски, па затоа е од особено значење да се препознаат нејзините први симптоми. Додека најчесто се поврзува со губење на меморијата и конфузија, експертите предупредуваат дека некои симптоми, кои на прв поглед не се поврзани со мозочната функција, може да бидат рани показатели.

Еден од нив е – сувата уста.

Иако кога размислуваме за здравјето на усната шуплина најчесто помислуваме на свеж здив и бела насмевка, стоматолошкото здравје е многу подлабоко поврзано со општото здравје. Лошата орална хигиена, на пример, е поврзана со зголемен ризик од срцеви заболувања, но може да открие и други потенцијални проблеми – од хормонални нарушувања до висок крвен притисок.

Според Џим Дан, геријатриски клинички советник и член на одборот на „Senior Helpers“, деменцијата претставува општ поим за група симптоми кои вклучуваат губење на меморијата и други когнитивни оштетувања што ја отежнуваат способноста за извршување секојдневни активности, пишува Крстарица.

„Иако деменцијата не е конкретна болест, нејзиното рано препознавање е клучно“, вели Дан. Со рана дијагноза и соодветен третман – било преку лекови, когнитивни вежби или терапија – можно е да се забави прогресијата на болеста и да се задржи мозочната функција подолго време.

Она што е помалку познато е дека сува уста, иако не е меѓу најтипичните симптоми, може да биде еден од првите индикатори за појава на деменција. Како што објаснува Рејмонд, директор на „C-Care Health Services“, пациентите кои се на почетокот од развојот на болеста често имаат проблеми со хидратацијата – што води кон намалена продукција на плунка и резултира со сувост во устата.

„Водата, односно консумацијата на течности, може да претставува предизвик за лицата со деменција, особено ако болеста сè уште не е дијагностицирана“, додава Рејмонд.

Овој наод претставува дополнителна причина зошто внимателното набљудување на промените во телото и навиките е важно – не само за стоматолошкото здравје, туку и како дел од пошироката слика за рано откривање на сериозни здравствени состојби како што е деменцијата.