Магазин

Во Бугарија отворена првата Академија за овчари

Дали има разлика помеѓу овчар и пастир? Излегува дека има, и тоа е многу голема, и што е тоа, луѓето кои аплицираат и успешно ја завршуваат Овчарската академија можат брзо да разберат што е тоа. Излегува дека ова е професија – исклучително сложена и бара исклучително голем број на вештини.

Да, добро прочитавте, во Бугарија е отворена првата Академија за овчари. Еве што велат оттаму:

Како се негуваат овците и козите? Ова прашање ја покренува Академијата за овчари. Нејзин основач е бизнис консултантот Ангел Тодоров, кој решил да ја создаде откако многу луѓе го прашале како да изгради бизнис модел кој ќе обезбеди финансиски профит во овчарството. Тодоров прави истражување и открива дека меѓу главните проблеми е немањето луѓе кои ги разбираат овците. И тогаш ја измислил академијата.
И всушност академијата за овчари е дел од оваа насока – почеток на многу поголема кампања која треба да се развие во следните 5-10 години и од една страна да му даде добра егзистенција на современиот бугарски овчар да го изгради имиџот на овчарот на иднината. Односно преку оваа Академија да почнеме да создаваме вистински овчари, а не само овчари кои пушат, пијат и пцујат по полињата. Ова е моментално сликата на овчарот. И трето, да се воспостави контакт со ова вид на животно, ова е тип на животен стил привлечен за урбаниот човек, како форма на забава, одмор, едукација на децата“, посочува Ангел Тодоров од Академијата за овчари.

На Академијата, потенцијалните овчари учат да градат колиби со чекан, секира и адзе. Секако дека учат дека овците се молзат редовно, ја изучуваат и техниката.

Ова е и големата разлика помеѓу овчарот и пастирот. Првиот може да биде кој било. Тој само ги пасе овците. Вториот, сепак, има одговорност, велат од Академијата за овчари.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.