Кинеските брендови на онлајн продавници „Temu“ и „SHEIN“ потврдија дека од 25 април ќе ги зголемат цените на производите по тарифите воведени од Соединетите Американски Држави.
Двете компании ги повикаа потрошувачите дотогаш да ја искористат можноста да купуваат по тековни цени, пренесува Ројтерс.
– Поради неодамнешните промени во правилата и тарифите во глобалната трговија, нашите оперативни трошоци се зголемија. За да продолжиме да ги нудиме производите што ги сакате без компромис за квалитетот, ќе бидеме принудени да ги прилагодиме цените од 25 април – се вели во соопштението на кинеските компании.
Нивниот бизнис модел е под закана по неодамнешната наредба потпишана од американскиот претседател Доналд Трамп за затворање на „трговската дупка“ што дозволуваше пакетите поевтини од 800 долари да влезат во САД без царина од Кина и Хонг Конг.
