Од Итната медицинска помош информираат дека момчето се здобило со тешки повреди.
Четиринаесетгодишник денеска се здобил со тешки повреди откако паднал од мотор во близина на поранешната фабрика „Киро Ќучик“ во Велес.
Од Итната медицинска помош за МИА информираат дека момчето се здобило со тешки повреди. По укажаната прва помош е однесен е во Општата болница во Велес.
Портпаролката на болницата Билјана Босилкова вели дека на момчето му се констатирани тешки повреди на главата и дека е во стабилна состојба. Поради сериозноста на повредата е препратено на лекување на Клиниката за неврохирургија во Скопје.
