Тој предвидува дека, министерот за одбрана Пит Хегсет најверојатно нема да остане на функцијата по скандалот со споделување на детални планови за воена операција против Хутите во Јемен во групен приватен разговор во кој учествувале сопругата и братот на Хегсет, пишува Политико.
Улиот нагласува дека Пентагон „е во неред под Хегсет.
Поранешниот портпарол го обвини и тимот на Хегсет дека „лажел“ за отпуштањето на тројца високи функционери.
Според зборовите на Улиот, „Хегсет сега води чудна и збунувачка чистка што го остави без високи советници“, додавајќи дека може да има уште отпуштања од Пентагон.
Тројцата отпуштени вработени поддржаа дел од тврдењата на Улиот во објава на социјалната мрежа Х, наведувајќи дека не знаат зошто се отпуштени.
Според нивните зборови, „не им било кажано за што точно се води истрага , дали сè уште има активна истрага или дали за почеток имало вистинска истрага за „протекувањето“.
Овие отпуштања следуваат по други во февруари, вклучително и отпуштањето на поранешниот претседател на Здружените началници, генерал Браун, началникот за поморски операции, адмирал Лиза Франчети, командантот на крајбрежната стража, адмирал Линда Фаган и вториот во командата на воздухопловните сили, генерал Џејмс Слајф.
