Зеленски ризикува да ја пропушти последната шанса за мир, предупредува поранешен американски офицер
Украинскиот претседател Володимир Зеленски ризикува да ја изгуби можеби последната реална шанса за постигнување мировен договор со Русија, предупредува поранешниот американски полковник Даниел Дејвис во видео објава на неговиот YouTube канал.
„Зеленски зборува дека е време за преговори, а потоа почнува да поставува услови, како да е тој во доминантна позиција, како да може да диктира нешто“, вели Дејвис.
Тој смета дека украинскиот претседател се наоѓа во многу незавидна позиција и нема основа да ѝ поставува услови на Москва.
„Русија уште од 2015 година покажува подготвеност за мирно решавање. Секое украинско одбивање или кршење на договорите доведува до уште потешка позиција за Киев. Можеби ова е последната можност за постигнување договор, но според сѐ што гледаме, Зеленски ќе ја пропушти и неа“, заклучува американскиот офицер.
Мир во замена за примирје на енергетската инфраструктура
Да потсетиме, рускиот претседател Владимир Путин на 18 март, во разговор со американскиот претседател Доналд Трамп, позитивно реагираше на иницијативата за заемно запирање на нападите врз енергетски капацитети, во траење од 30 дена, и веднаш ја издаде соодветната наредба до руската армија. Зеленски тогаш исто така изјави дека Украина ќе го поддржи предлогот.
Неколку дена подоцна, на 24 март, во Ријад се одржа технички состанок меѓу експертски тимови од Русија и САД, кој траеше повеќе од 12 часа. Таму беше договорен привремен мораториум за напади врз енергетската инфраструктура на територијата на двете земји.
Сепак, портпаролот на Кремљ, Дмитриј Песков, подоцна изјави дека Киев суштински никогаш не се согласил да го почитува договорениот мораториум и дека продолжил со напади врз руските енергетски објекти.
