Цените на горивата остануваат исти – поевтинува само мазутот
Регулаторната комисија за енергетика (РКЕ) соопшти дека нема промени во цените на најчесто користените горива – ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство (ЕЛ-1). Тие ќе продолжат да се продаваат по истите цени и во наредниот период.
Сепак, мала промена има кај мазутот. Продажната цена на Мазут М-1 НС се намалува за 0,212 денари по килограм и сега ќе изнесува 36,780 денари за килограм.
Според новата одлука, која стапува на сила на 23 април во 00:01 часот, цените ќе бидат следните:
ЕУРОСУПЕР БС-98: 73,50 ден/лит.
ЕУРОСУПЕР БС-95: 71,50 ден/лит.
ЕУРОДИЗЕЛ (Д-Е V): 64,00 ден/лит.
Екстра лесно масло за домаќинство (ЕЛ-1): 64,00 ден/лит.
Од РКЕ нагласуваат дека овие се највисоките дозволени цени, но трговците имаат право да ги формираат и пониски цени, зависно од нивната политика на продажба.
