Реал Мадрид вечерва успеа да ја совлада тврдата екипа на Хетафе со 0:1 во натпревар од Ла Лига, одигран на тешко гостинско тло. Карло Анчелоти излезе со комбиниран состав, но неговите избраници сепак успеаја да ја завршат задачата.
Херој на „кралскиот клуб“ беше младиот Арда Ѓулер кој во 21-та минута ја затресе мрежата на Хетафе и го постигна единствениот гол на натпреварот. До крајот на мечот Реал мудро го чувал водството, без многу ризик и без многу шанси од двете страни.
Во последните шест минути „белите“ останаа со играч помалку, откако Едуардо Камавинга мораше да го напушти теренот поради повреда, а Анчелоти веќе ги имаше искористено сите замени.
Со оваа победа, Реал Мадрид останува во чекор со лидерот Барселона, сега со 72 освоени бодови, додека Хетафе е на 12. позиција со 39 поени.
Во другиот натпревар од вечерта, Алавес славеше против Реал Сосиедад со 1:0 благодарение на голот на Тенаља.
