Магазин

“Комшијата ми направи хаос во животот, мисли дека мојата гаража е негова и не ми дава ја користам”

Кошмар со комшијата: Плаќаат кирија за гаража, но не можат да ја користат

Љубезноста кон комшиите често е вреднувана доблест, но понекогаш добрата волја може да се претвори во вистински проблем – како што покажува искуството на една млада жена која на социјалната мрежа Reddit ја сподели својата фрустрација со комшија кој узурпира дел од имотот што не е негов.

Жената живее со својата мајка и сестра во изнајмен стан кој се наоѓа над гаража што, според договорот за наем, им припаѓа. Но, уште при првиот преглед на имотот, не им било дозволено да ја видат внатрешноста на гаражата – бидејќи, како што им било кажано, комшијата таму држел свои работи.

Се надеваа дека ќе добијат пристап откако ќе се вселат, но наместо тоа, се нашле во апсурдна ситуација – мораат да бараат дозвола од соседот за да влезат во гаражата која ја плаќаат.

„Мојата мајка мораше да бара дозвола за да провери бојлерот во зима. Гаражата беше преполна со ѓубре и лични предмети од комшијата и неговото семејство. Не можеш ни да се поместиш внатре“, напиша таа во својата објава.

Освен тоа, комшијата постојано ја користи гаражата, влегува и излегува гласно, а неговите деца трчаат и викаат, што сериозно ѝ го отежнува студирањето од дома. „Ова трае со години. Невозможно е да се концентрирам.“

Ситуацијата дополнително се комплицира со фактот што комшијата паркира два автомобили пред самата гаража, што ја прави невозможна употребата на истиот простор. Жената и нејзината сестра, кои сѐ уште учат да возат, не можат да ги паркираат своите автомобили, ниту пак нивни гости имаат каде да остават возило.

Иако гаражата е наведена како дел од изнајмениот имот, жената сега е во дилема – дали навистина имаат целосен пристап до неа или изнајмувачот има различни договори во позадина. Многу корисници на Reddit ја советуваа да стапи во контакт со управата на имотот и да побара комшијата да ги отстрани своите работи, при што би му се дал и конкретен рок.

„Доста е со прашања и дозволи – тоа е ваш простор, а не негов. Ако не реагира, имајте план Б: изнесете му ги работите и направете го тоа јасно непријатно“, пишува еден од коментаторите.

Друг совет беше мајката да го провери договорот и формално да побара од соседот да ги исели своите работи, со краен рок. „Ако плаќаш за нешто што некој друг го користи – и уште те попречува – тоа е сосема неприфатливо“, резимираше друг корисник, пишува Најжена.рс

Магазин

Вештачката интелигенција ја крева цената на мобилните телефони и компјутерите

Во следните години, цените на компјутерите и мобилните телефони може да се зголемат како последица на ширењето и развојот на вештачката интелигенција (ВИ), предупредуваат технолошки аналитичари.

Според експертите, интензивната интеграција на напредни алгоритми и системи за вештачка интелигенција во потрошувачката електроника ќе резултира со поголеми трошоци за производство.

Овие технологии, иако овозможуваат пософистицирани уреди со поголеми перформанси, бараат поскап хардвер, сензори и специјализиран софтвер, што може да се одрази врз конечните цени за потрошувачите.
Една од причините за можниот раст на цените е и зголемената побарувачка за процесорска моќ и меморија што може да ги поддржи напредните ВИ функции. Додека сегашните уреди се доволни за основни задачи, следната генерација на мобилни телефони и компјутери ќе бара понапредни чипови и системи за обработка, што ги зголемува трошоците на компонентите.

Исто така, развојот и интеграцијата на специфични ВИ алатки и технологии во мобилни и компјутерски платформи генерира потреба од побрза иновација и пософистицирани развојни циклуси, што дополнително придонесува кон раст на трошоците за производство.

Технолошките аналитичари посочуваат дека, иако почетните цени на новите уреди може да пораснат, долгорочно тоа ќе резултира со поефикасни и моќни системи што ќе ги имаат предностите на новите ВИ можности – како подобрена автономија, персонализација, интелигентно управување со ресурси и подобрена корисничка искуство.

Според нив, крајните потрошувачи би можеле да забележат повисоки цени пред сè на уреди што вклучуваат напредни ВИ функции, додека базичните модели без вакви специјализации може да останат поевтини или со умерена промена во ценовниот опсег.
Оваа можност за зголемување на цените доаѓа во време кога технолошкиот сектор се соочува со голема конкуренција, како и со потребата да одговори на се поголемата побарувачка за ВИ-поддржани уреди.

Експертите нагласуваат дека потрошувачите треба да бидат подготвени за динамични промени на пазарот, нагласувајќи дека инвестирањето во уреди со поддршка за вештачка интелигенција може да обезбеди долгорочно подобри перформанси и вредност.

Магазин

Од Скопје до Њу Џерси: „Trend Coffee“ – кафулето со тирамису по рецепт на баба и музика во живо

Во Монтклер, Њу Џерси, на булеварот Блумфилд 411 се наоѓа „Trend Coffee + Tea House“, кафуле кое веднаш ве потсетува на атмосферaта на „битник“ локалите од Гринич Вилиџ од 60-тите години. Но, зад американскиот шарм се крие македонска топлина – сопствениците се брачната двојка од Скопје, Сања и Димитар Бањански, кои во САД се преселиле во 2000 година, а кафулето го отворија во 2011 година.

Специјалитет на куќата е домашниот „чаи“ чај, подготвен со сезонски вкусови како тиква, ванила, чоколадо и куркума. Менито нуди домашни палачинки, киш, омлети и вегански опции, но вистинскиот бисер е тирамисуто, кое се подготвува по оригинален рецепт на бабата на Сања, директно од Македонија.

„Trend Coffee“ е и културен центар:

Првиот вторник во месецот е резервиран за „Отворен микрофон“, каде локални таленти настапуваат пред публика. Третата среда од месецот е посветена на џез сесии (Jazz jam session). Од ноември 2025 година, секој трет четврток се одржуваат вечери на стенд-ап комедија и импровизации.

Кафулето соработува и со „Jazz House Kids“, овозможувајќи им на младите музички таленти двапати годишно настапи пред жива публика. За Сања и Димитар, „Trend Coffee“ не е само бизнис, туку место со срце и душа каде секој гостин се чувствува како дома.

Магазин

Хороскопски знак кој го чека најсветлиот период до крајот на 2025 година

За родените во знакот Лав, универзумот подготвува исклучителен период полн со среќа и успех до крајот на 2025 година. По месеци, па дури и години на предизвици, Лавовите ќе почувствуваат како нивните напори и жртви конечно се враќаат со повеќекратен ефект.

Судбинските промени ќе се однесуваат на сите аспекти од животот – љубовта ќе цвета, професионалните планови ќе добијат неочекуван поттик, а финансиската стабилност ќе се подобри, носејќи чувство на сигурност и исполнетост.

Малите знаци од секојдневието ќе придонесат кон големи животни пресврти, па се советува Лавовите да ги следат можностите што им се појавуваат и да се отворат за нови предизвици.

Во овој период најважно е да се препуштат на текот на среќата, без да се обидуваат да го контролираат секој чекор. Универзумот им испраќа јасен сигнал: време е да го земат она што им припаѓа и да уживаат во еден од најубавите и најзначајните моменти во својот живот.