Млекото пред спиење – не толку корисно како што мислиме?
Иако многумина со години негуваат навика да пијат чаша млеко пред спиење со цел да се релаксираат, новото истражување укажува дека оваа пракса можеби и не е најдобра идеја за квалитетен сон. Според студија објавена од The Mirror, консумирањето млеко пред легнување може да има изненадувачки негативен ефект врз спиењето.
Млекото на дното – резултати што изненадуваат
Во истражувањата, учесниците кои пиеле млеко пред спиење спиеле во просек само шест часа и 52 минути, што е речиси цел час пократко од нивното вообичаено време на спиење. Од сите анализирани пијалаци, млекото постигнало најслаби резултати кога станува збор за квалитетот на сонот.
Од друга страна, иако се очекуваше кафето да има најлош ефект, тоа предизвикало будност во просек од 54 минути. Интересно е што чајот, иако е познат како потенцијален причинител на несоница, обезбедил дури еден час и 14 минути длабок сон и час и половина REM сон кај испитаниците.
За кого млекото навистина може да биде проблем?
Експертите предупредуваат дека кај лицата кои имаат алергија на млеко, нетолеранција на лактоза или синдром на иритабилни црева, ефектите на млекото врз сонот можат да бидат особено изразени. Овие индивидуи може да доживеат поголем дискомфорт во текот на ноќта, што директно влијае на квалитетот и должината на спиењето.
Што навистина влијае врз добар сон?
Иако одредени пијалаци можат да имаат моментален ефект, експертите потсетуваат дека за добар сон најважни се здрава исхрана, редовна физичка активност, и изложеност на природна светлина во текот на денот.
Наместо да се потпираме на „волшебни решенија“ во форма на пијалаци, потребно е да се обрне внимание на целокупниот животен стил.
