Connect with us

Економија

РАСТ НА ИНДУСТРИСКОТО ПРОИЗВОДСТВО – енергетскиот сектор со најголем скок

Индустриското производство во март годинава е зголемено за 5,2 проценти во однос на март минатата година. ШТо се однесува пак до првиот квартал годинава во однос на истиот квартал лани година растот достигнува два процента, објави Државниот завод за статистика (ДЗС). 

– Во март годинава во однос на март лани статистиката регистрира пад на индустриското производство од 1,5 проценти во секторот Рударство и вадење на камен, а пораст од 4,8 проценти во Преработувачка индустрија и од 12,9 проценти во секторот Снабдување со електрична енергија, гас, пареа и климатизација пораст – се посочува во соопштението. 

ДЗС објаснува дека зголемувањето во секторот Преработувачка индустрија е резултат, пред сѐ, на зголеменото производство во одделите: Производство на тутунски производи,  Производство на хартија и производи од хартија, Печатење и продукција на снимени медиуми (записи),  Производство на хемикалии и хемиски производи, Производство на производи од гума и производи од пластични маси, Производство на други неметални минерални производи, Производство на метали, Производство на електрична опрема и Производство на моторни возила, приколки и полуприколки. 

Кај Производство на машини и уреди, неспоменати на друго место има раст од 15,1 процент, а кај Производство на моторни возила, приколки и полуприколки од 7,1 процент.

Според главните индустриски групи, производството во март 2025 година, во однос на март 2024 година, бележи пораст кај Енергија за 13,8 проценти, Интермедијарни производи, освен енергија за  24,3 проценти, додека опаѓање бележи кај Капитални производи за 8,4 проценти, Трајни производи за широка потрошувачка за 8,6 проценти и Нетрајни производи за широка потрошувачка за 3 проценти.

Advertisement

Економија

Израел одобри 35 милијарди долари вреден договор за извоз на гас во Египет

Израелскиот премиер Бенјамин Нетанјаху го одобри најголемиот гасен договор во историјата на Израел – договор за извоз на природен гас во Египет вреден 35 милијарди долари. Според него, оваа соработка не само што ќе ја зајакне позицијата на Израел како регионална енергетска сила, туку може да стане и чекор кон стабилизирање на тензиите со Египет, кои беа особено видливи во последните две години поради војната во Појасот Газа.

Американскиот енергетски гигант „Шеврон“, кој управува со гасното поле покрај израелската обала на Средоземното Море, ќе ја испорачува енергијата во Египет во наредните 15 години. Според очекувањата, половина од приходите од овој мегадоговор ќе завршат директно во израелската државна каса.

„Овој договор значително ја зајакнува позицијата на Израел како регионална енергетска сила и придонесува за стабилноста на Блискиот Исток“, изјави Нетанјаху, истакнувајќи го економскиот и геополитичкиот потенцијал на проектот.

Египет, кој се граничи и со Израел и со Појасот Газа, беше клучен посредник во преговорите меѓу Израел и Хамас, кои доведоа до прекин на огнот посредуван од САД во октомври. Каиро, и покрај посредничката улога, јавно ја критикуваше израелската офанзива во Газа, која остави десетици илјади Палестинци без живот.

Continue Reading

Економија

СиП 500 четврти ден последователен паѓа на Волстрит

Wall Street забележа четврти последователен ден на падови, со инвеститорите кои се повлекуваат од акциите поврзани со вештачката интелигенција (AI), откако се појавија загрижувачки вести за проектите на Оракл за центри за податоци.

СиП 500 падна за 1,16% на 6.721,43 поени, Насдак композит изгуби 1,81% завршувајќи на 22.693,32, додека Дау Џонс Индустрискиот просек се спушти за 228,29 поени, или 0,47%, на 47.885,97.

Акцијата на некогаш популарниот AI играч, Оракл, се урна за 5,4% откако Фајненшл Тајмс објави дека најголемиот инвеститор, Blue Owl Capital, се повлекол од 10 милијарди долари вреден проект за центар за податоци во Мичиген. Извори запознаени со состојбата изразија загриженост за долгот и трошоците на компанијата. Оракл, сепак, го оспори извештајот, истакнувајќи дека проектот продолжува.

Не само Оракл, туку и други големи играчи во AI секторот трпеле удари. Broadcom загуби повеќе од 4%, Nvidia речиси 4%, AMD над 5%, додека Alphabet, матичната компанија на Google, падна за повеќе од 3%.

„Видовме јасна ротација од растечки кон вредносни акции. Инвеститорите се позиционираат пообранбено во очекување на следната година,“ објаснува Брајан Малбери, менаџер на портфолио во Zacks Investment Management. „Главното прашање е: кој навистина ќе ги монетизира огромните инвестиции во вештачката интелигенција?“

Оракл и Broadcom, заедно со други AI акции, бележат значителни падови ова декември, месец во кој инвеститорите се свртеа кон „вредносно ориентирани“ сектори како финансиите. До денес, Оракл и Broadcom изгубија повеќе од 11% и околу 19%, додека State Street Technology Select Sector SPDR ETF (XLK) бележи пад од 2,6% овој месец.

Малбери прогнозира дека ротацијата кон „пофер вредност“ ќе продолжи и во 2026 година. „Неизвесноста околу монетарната политика и побарувачката на слободен паричен тек ќе продолжат да создаваат нестабилност на пазарот. Можете да ја „лажирате“ билансната состојба, но слободниот паричен тек е неприкосновен,“ предупредува тој. „Она што сега е најголем двигател на приносите, се претвори во најголем ризик.“

Continue Reading

Економија

ИНТЕРВЈУ НА ФАКТОР СО ПЕТАР ДЕНКОВСКИ: „Инвестицијата во Гевгелија е потврда дека остануваме сериозен партнер кој верува во потенцијалот на домашниот пазар“

Отворање на новиот, модерен ЏАМБО маркет во рамките на новоотворениот „Gevgelija Mall“ ја позиционира Гевгелија на мапата на современи шопинг дестинации во регионот.  За значењето на оваа инвестиција, уникатниот концепт кој комбинира семејно искуство и практичност, како и идните планови, разговараме со Петар Денковски, генерален директор на ВЕРО и Џамбо маркетите во Македонија.

Господине Денковски, деновиве Гевгелија е во фокусот на јавноста со отворањето на новиот современ трговски објект, каде е сместен и новиот Џамбо маркет. Што претставува ова отворање за компанијата и како се вклопува во вашата долгорочна стратегија?

Ова е навистина значаен момент за нас, бидејќи пишуваме ново поглавје во нашата деловна приказна. Оваа инвестиција доаѓа како природен и логичен след на исклучително успешните приказни кои компанијата веќе ги изгради во Скопје, Тетово, Куманово и Битола. Со маркетот во Гевгелија, не само што го реализираме ветеното пред македонските потрошувачи за континуирано проширување на модерната продажна мрежа низ целата територија, туку и јасно ја потврдуваме својата цврста позиција на сериозен странски инвеститор. Овој стратешки потег е најава за наше многу посилно присуство во југоисточниот регион, каде наскоро планираме да стартуваме и со други инвестиции. Ние цврсто веруваме во потенцијалот на домашниот пазар и преку вакви капитални проекти активно вложуваме во неговиот напредок, правејќи ги нашите долгорочни стратешки планови реалност.

За нас Гевгелија не е само локален центар, таа е економска порта на државата. Нашите планови се вклопија во визијата на инвеститорот на трговскиот центар, затоа што анализите покажаа дека на овој регион му недостасуваше токму ваков тип на организирано шопинг искуство. Влеговме во инвестицијата со двојна цел, првенствено да им понудиме на гевгеличани модерно шопинг искуство, но и да го искористиме потенцијалот на прекуграничната соработка. Очекуваме овој објект да биде привлече локални купувачи во овој регион, посетители од соседна Грција, кои се традиционално лојални на брендот Џамбо, но патниците кои транзитираат низ коридорот 10. Со ова, Џамбо во Гевгелија станува повеќе од продавница – станува регионален шопинг хаб.

Целото интервју може да го прочитате на faktor.mk

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг