Магазин

Дневен хороскоп за недела – 4 мај: Еден хороскопски знак го очекува расправија со блиска личност

Овен

Оваа недела носи одлична енергија за личен и професионален напредок. Ќе почувствувате наплив на позитивни емоции, нови можности и вредни познанства. Можно е да добиете неочекувани подароци – и материјални и духовни. Желбите се остварливи, но бараат внатрешна сила.

Бик

Вашата интуиција и разум ќе бидат клучни за донесување добри одлуки. Време е да се прилагодите на позитивни промени. Избегнувајте одложување на обврските – фокусирајте се на тоа што сте го започнале и исполнете ги ветувањата.

Близнаци

Интроспекцијата е важна оваа недела. Време е да научите од претходни грешки и да бидете отворени за нови луѓе кои ќе ви го променат размислувањето. Втората половина од неделата е поволна за решавање деловни проблеми.

Рак

Планетите ви носат поддршка за реализација на идеи и проекти. Можно е ново работно место или профитабилен ангажман. Слушајте ја вашата мотивација, но не се водете од туѓи мислења. Кон крајот на неделата – можно е да се појават љубовни или семејни предизвици.

Лав

Не одложувајте ништо. Сега е момент за акција, особено кога станува збор за семејни прашања. Посветете повеќе внимание на блиските и не се откажувајте од важни планови – тоа може да ви донесе среќа.

Девица

Задржете ги вашите планови за себе. Избегнувајте луѓе што ве исцрпуваат. Финансиската дисциплина ќе биде важна – планирајте ги трошоците внимателно за да избегнете непотребни проблеми.

Вага

Одлично време за учење и личен развој. Но бидете претпазливи околу 19 ноември – затемнувањето на Месечината може да донесе тензии и промени во плановите. Останете фокусирани.

Шкорпија

Ова е вашата недела. Очекувајте успех во работата и напредок во љубовта. Врските се зацврстуваат, а семејните односи се подобруваат. Ѕвездите ве поддржуваат заради вашата добрина и искреност.

Стрелец

Среќата ќе биде на ваша страна – и на лично и на професионално поле. Решете ги старите проблеми и фокусирајте се на исполнување на долгорочни цели. Грижете се за себе и изгледот – ќе ви се врати позитивно.

Јарец

Можни се недоразбирања во блиските односи. Не дозволувајте коментарите да ве разнишаат. Останете позитивни и работете на вашите цели со помош на законот на привлечност.

Водолија

Внесете ред во домот за да внесете ред во мислите. Семејните односи ќе бидат во фокус, а бизнисот во втор план. Контролирајте ги трошоците и не ги занемарувајте секојдневните обврски.

Риби

Одлична недела за учење и личен раст. Иако надворешните услови не се идеални, ќе бидете полни со енергија и оптимизам. Фокусирајте се на долгорочни цели – сега е вистинското време.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.