Црна Хроника

Кривична пријава за обид за убиство и насилство против две лица од кочанско Тркање

Надворешната канцеларија за криминалистички работи при ОВР Кочани поради постоење на основано сомнение за сторено кривично дело „Убиство“ во обид по чл.123 ст.1 а во врска со чл.19 од КЗ на РСМ поднесе кривична пријава против И.М. (30) од село Тркање кочанско. Исто така поради постоење основано сомнение за сторено кривично дело „Насилство“ по член 386, став1 од КЗ на РСМ кривична пријава е поднесена и против лицето Б.М (35) исто така од село Тркање. Имено, како што МВР веќе ја информираше јавноста вчера (02.05.) околу 00:00 часот пред продавница во село Тркање, додека група лица седеле пред продавницата дошле браќата И.М и Б.М по што без никаков повод и причина најпрвин лицето И.М го нападнал лицето Ж.Б со повеќе убоди од нож, нанесувајќи му тешки телесни повреди, а кога другите лицата пред продавницата се вмешале за да ја смират ситуацијата, лицето Б.М исто така со нож во раката замавнувал наоколу при што нанел повреди на две лица, а неговото дејствие предизвикало чувството на страв и несигурност кај другите лица. Од страна на ОВР Кочани веднаш е постапено по пријавениот настан преземени се сите потребни мерки и дејствија по што се обезбедени лицата кои го извршиле немилиот настан. Извршен е увид на местото на настанот, извршени се службени разговори со сите лица инволвирани во истиот, а пронајдени се предметите со кои е извршено кривичното дело.

Црна Хроника

Драма на автопатот Тетово – Гостивар: Ги пресретнале со ротација им го пресекле патот, па ги истепале

Ноќеска во 02:00 часот во СВР Тетово од слобода се лишени Б.Ш.(24) И.И.(28), А.И.(27) и Ф.И.(24) сите од с.Боговиње, тетовско.

По претходна пријава во СВР Тетово дека околу 01.00 часот на автопат Гостивар – Тетово во близина на клучка Камењане, додека А.А.(28) од с.Пирок се движел со патничко возило ,,бмв” со швајцарски национални ознаки во кое како совозач бил Р.Ј.(28) од с. Пирок, тетовско позади нив се движело патничко возило ,,пасат” со тетовски регистерски ознаки управувано од И.И. од с. Боговиње, кој им пуштил светлосни ротации а потоа ги престигнал и им го пресекле патот.

Од возилото излегле приведените лица кои физички ги нападнале А.А. и Р.Ј.. По целосно документирање на случајот, ќе биде поднесен соодветен поднесок.

Извор: 4news.mk

Црна Хроника

Хорор на патот Охрид–Струга: Возач двапати тргнал кон полицајци и успеал да избега

Двајца млади лица од Охрид се лишени од слобода по сериозен безбедносен инцидент што се случил на регионалниот пат Охрид–Струга, кога возач на патничко возило се обидел да избега од полициска контрола и двапати со автомобил се упатил директно кон полициски службеници.

Инцидентот се случил вчера околу 16 часот, кога припадници на криминалистичката полиција при СВР Охрид запреле патничко возило „поло“ со охридски регистарски таблички. Возилото го управувал Е.О. од Охрид, а во него се превезувале сопатниците А.А. (20) и Ј.Ј. (24).

Наместо да постапи по наредбата за запирање, возачот нагло ја зголемил брзината и го насочил возилото кон полициските службеници, по што избегал од местото на настанот. По преземени оперативни мерки, полициските екипи ги пронашле и привеле двајцата сопатници во селото Требеништа, во општина Дебрца.

Подоцна, на истата локација пристигнал и возачот Е.О., овојпат управувајќи возило „фолксваген туран“. Според полицијата, и во овој обид тој со голема брзина тргнал кон полициските службеници и повторно избегал.

Од Министерството за внатрешни работи информираат дека се преземаат интензивни мерки за негово пронаоѓање, а по целосно документирање на случајот ќе бидат поднесени кривични пријави за кривични дела по членовите 215 и 383 од Кривичниот законик.

Црна Хроника

Кривични пријави против полицајци од Штип – МВР со детали

Одделот за внатрешна контрола при МВР поднесе кривична пријава до надлежното јавно обвинителство против Е.П., адвокат од Штип, како и против Д.Д., И.А., Г.Т. и Х.С., полициски службеници од Штип и Кочани, поради основано сомнение за кривичното дело „попречување на правдата“.

Според соопштението во полицискиот билтен, пријавените во текот на септември 2025 година преземале дејствија со кои било отежнато и спречено прибирањето докази во рамки на кривична постапка.

Од МВР информираат дека покрај кривичната пријава, против полициските службеници ќе биде поведена и дисциплинска постапка.