Цвеклото не е за секого – кога здравата храна може да стане ризик?
Иако често се препорачува како супер-храна за подобрување на крвната слика и општото здравје, цвеклото не е секогаш сојузник на организмот – барем не кај сите луѓе.
Овој вид зеленчук е богат со витамини и минерали, има силни антиоксидантни својства и го забрзува метаболизмот, па со право важи за една од најздравите намирници. Но, токму поради неговото силно дејство, може да биде штетен за одредени категории на луѓе.
Цвеклото содржи калиум, калциум, фосфор, магнезиум, железо, како и редок витамин Б12, кој ретко се среќава во билната храна. Помага при детоксикација, го подобрува видот, го поттикнува обновувањето на клетките на црниот дроб и позитивно влијае врз кардиоваскуларниот систем.
Сепак, за некои лица оваа намирница може да предизвика повеќе штета отколку корист. Еве во кои случаи не се препорачува:
Гастритис и чир на желудник – бидејќи го стимулира лачењето на желудочна киселина.
Бубрежни камења (оксалати) – може да придонесе кон натамошно таложење.
Дијареа или синдром на иритабилно црево – ги влошува симптомите.
Дијабетес тип 2 – вареното цвекло има висок гликемиски индекс.
Низок крвен притисок (хипотензија) – може дополнително да го намали.
Алергии – кај некои лица може да предизвика чешање, осип или отежнато дишење.
Терапија со лекови за притисок или разредување на крвта – може да доведе до премногу низок притисок или зголемен ризик од крвавење.
Симптоми како дијареа, мачнина или болка во стомакот можат да бидат знак дека треба да се намали или целосно да се избегне консумирањето на цвекло.
Како и секогаш, умереноста е клучна, а при здравствени состојби – консултацијата со лекар е задолжителна. Здравата храна е корисна, но само кога е правилно избрана според индивидуалните потреби на телото.
