Стампедо во храм во Индија: Има загинати [ВИДЕО]

Стампедо во индиски храм во Гоа: Загинаа најмалку шест лица, 55 повредени

Најмалку шест лица загинаа, а 55 се повредени во стампедо што се случи за време на верски обред во храм во индиската сојузна држава Гоа, соопштија денеска полициски извори.

Несреќата се случила во вечерните часови на 2 мај, во селото Ширгао, каде секоја година се одржува фестивалот Shri Lairai Zatra – настан познат по масовната посета и ритуалите, меѓу кои и шетање по жар.

„Верниците беа присутни на религиозен обред кога настана хаос, што доведе до стампедо“, изјави В.С. Чадонкар, полициски службеник во Панџим, главниот град на Гоа. Тој потврди дека „шест лица го загубиле животот, а најмалку осуммина се здобиле со тешки повреди“.

Во Индија често се пријавуваат инциденти од ваков вид, особено за време на големи хинду верски собири, кога илјадници луѓе се собираат на ограничен простор, при што безбедносните протоколи не секогаш се почитуваат.

VIDEO | Visuals from Sree Lairai Devi temple in Shirgao village where a stampede broke out during a temple festival in North Goa in the wee hours of Saturday.

(Source: Third Party)#Goa #GoaStampede pic.twitter.com/qtCn4ReIMb

— Press Trust of India (@PTI_News) May 3, 2025