Експлозија во Москва, има мртви и повредени [ВИДЕО]

Во Москва денеска се случи силна експлозија во станбена зграда на улицата Генерал Тјуленев, при што избувна голем пожар кој целосно ги зафати становите на деветтиот кат. Според првичните, неофицијални информации, се претпоставува дека причината е дефект во гасната инсталација.

Дел од катот се урнал како последица од експлозијата, а според досегашните податоци, загинале неколку лица, додека над 15 се повредени. Сцените од местото на настанот беа драматични – жители заробени на горните катови повикуваа на помош низ прозорците, додека пожарникарите се бореа со огнот и густ чад.

Очевидци сведочат дека пожарот се проширил со неверојатна брзина низ неколку станови. Екипите за итни интервенции сè уште се на терен и ја пребаруваат зградата во потрага по преживеани.

Руските власти досега не излегоа со официјални бројки за настраданите, но се очекува дополнителна информација во текот на вечерта. Според атмосферата на теренот, последиците од експлозијата се сериозни, а истрагата за причините продолжува.

Moscow, Russia ❗
💥🔥💨 This evening an explosion occurred in a residential building on General Tyulenev Street, 39 in Moscow!!! According to preliminary information, an apartment on the 9th floor was completely destroyed. A strong fire broke out after the explosion. pic.twitter.com/8gPowphpar

— LX (@LXSummer1) May 4, 2025