Ламин Јамал потпишува нов договор со Барселона: Откупна клаузула од милијарда евра

Младата ѕвезда на Барселона, Ламин Јамал, кој оваа сезона игра во фантастична форма, наскоро ќе потпише нов договор со клубот, кој ќе вклучува неверојатна откупна клаузула.

Јамал дебитираше за првиот тим на Барселона на 15-годишна возраст, на 23 април 2023 година, и за неколку месеци, на 13 јули, ќе стане полнолетен. По овој датум, ќе потпише нов договор кој ќе трае до јуни 2030 година.

Според најавите, младата фудбалска ѕвезда ќе добие зголемена плата, а договорот ќе вклучува и импресивна откупна клаузула од една милијарда евра.