Првиот вицепремиер и министер за животна средина и просторно планирање, Изет Меџити, испрати силна порака до јавноста за значењето на честа, одговорноста и моралот во политиката.
„Дадениот збор – вера – е еден од главните столбови на кодексот на чест кај Албанците,“ истакна Меџити, потенцирајќи дека верата не е само ветување, туку и духовна врска меѓу човекот и зборот што го дал. „Кога ќе се скрши дадениот збор, лебот се крши. А лебот што се крши не се лепи – ниту со средби, ниту со рокови.“
Овие зборови доаѓаат во критичен политички момент, кога стабилноста на коалициските договори и државните политики бараат токму тоа – одговорност и искреност. Меџити со оваа изјава не само што потсетува на традиционалните вредности, туку и повикува на политичка зрелост, доследност и почит кон граѓаните.
„Верата е гаранција за чест – помоќна од кој било правен документ,“ додаде тој, испраќајќи порака до сите политички актери дека интегритетот не се гради со декларации, туку со постапки и исполнети ветувања.
Изјавата на Меџити веќе предизвика реакции во јавноста, а за многумина е знак на враќање кон повисоки политички стандарди во општеството.
