Американскиот претседател Доналд Трамп изрази жалење поради индискиот напад врз Пакистан, истакнувајќи дека е штета што ситуацијата ескалирала токму вечерта. Тој се надева дека конфликтот ќе заврши што е можно побрзо.
„Штета е. Само што дознавме за нападот,“ изјави Трамп пред новинарите во Белата куќа, пренесува Гардијан.
Тој додаде дека не е изненаден од случувањата, бидејќи тензиите меѓу Индија и Пакистан траат „многу, многу децении и векови“. „Се надевам дека ова ќе заврши многу брзо,“ изјави Трамп.
Нападите се случиле на девет различни локации во Пакистан и во спорниот регион Џаму и Кашмир. Според првичните информации, загинале најмалку две лица, а повредени се уште најмалку 12.
