По напуштањето на Белата куќа, поранешниот американски претседател, Џо Бајден, во своето прво интервју за BBC ги коментираше обидите на администрацијата на Доналд Трамп да врши притисок на Украина. Бајден го критикуваше ставот на Трамп кој предлагаше Украина да се откаже од дел од својата територија во корист на Русија, нарекувајќи го тоа “модерна верзија на политиката на смирување”.
Во интервјуто, Бајден изјави дека рускиот претседател Владимир Путин ја гледа Украина како дел од Русија и дека е наивно да се верува дека отстапувањето на територија ќе го запре понатамошниот напад на Русија.
Бајден изрази загриженост дека под лидерството на Трамп, односите меѓу САД и Европа би можеле целосно да се распаднат, што, според него, би ги променило тековите на модерната историја. Ова беше негово предупредување во неделата кога сојузниците ја одбележуваат 80-годишнината од Денот на победата во Европа.
Во исто време, поранешниот претседател коментирал и сопствената политика кон Украина, како и неговото решение да се повлече од кандидатурата за претседателските избори во 2024 година, истакнувајќи дека тоа било “тешка, но исправна одлука”. Бајден рече дека нема верување дека би направил разлика ако се повлекол порано.
Освен тоа, Бајден остро ги критикуваше идеите на Трамп во врска со надворешната политика, како што е предлогот да се вратат Панамскиот канал или да се купи Гренланд, што Бајден го нарече апсурдно. “Што се случува? Кој претседател тоа го зборува? Тоа не сме ние. Ние сме за слобода, демократија, можности – а не за пљачка”, истакна Бајден.
Во однос на ставовите на Трамп и неговата администрација, Бајден го критикуваше предлогот Украина да се согласи на замрзнување на конфликтот и да отстапи дел од територијата. Бајден изрази загриженост дека ова би било “модерна верзија на политиката на смирување”, повлекувајќи паралела со политиката на британскиот премиер Невил Чемберлен од 1930-те, кој безуспешно се обиде да ги смири нацистите.
Бајден исто така предупреди дека европските земји, особено тие што се членки на НАТО и кои имаат граници со Русија, може да изгубат доверба во американското лидерство и да започнат да прават свои договори со Путин.
Тој додаде дека Трамп и неговите сојузници грешат кога го напаѓаат украинскиот претседател Володимир Зеленски, барајќи од него поголема благодарност за помошта од САД, нарекувајќи го тоа “понижувачки за Америка”.
Конечно, поранешниот претседател го коментираше и начинот на кој Трамп ги помина своите први 100 дена по враќањето во Белата куќа, нагласувајќи дека за разлика од периодот кога тој беше претседател, економијата растеше, а глобалното влијание на САД се зголемуваше. “Сега? Не гледам ништо што може да го наречам триумф”, изјави Бајден.
