Таравари најавува дека неколку пратеници од опозицијата ќе ѝ се приклучат на владејачката коалиција

Претседателот на Алијансата за Албанците, Арбен Таравари, вечерва изјави дека вратата за соработка со ВЛЕН за локалните избори е затворена.

Тој рече дека и по нивното заминување не верува дека ќе има предвремени парламентарни избори, бидејќи, според него, оваа влада е многу стабилна и без нив.

„Мислам дека владата има бројки, воопшто не ни е намерата (да има избори). Мислам дека не е проблем, може да има еден или двајца пратеници што ќе излезат од нив и ќе им се приклучат на тие (во власта), имало такви преминувања. Принципиелно сум кажал дека сум за локални избори“, изјави Таравари, додавајќи дека парламентарните избори зависат само од ВМРО-ДПМНЕ.