Министерот за здравство и лидер на крилото на Алијанса за Албанците, Арбен Таравари денеска истакна дека како партија не се заинтересирани превремените парламентарни избори да бидат наесен, но, ќе се подготват ако бидат распишани.
„Дали ќе се оди на парламентарни избори тоа ексклузивно зависи од ВМРО-ДПМНЕ. Ако тие одлучат така, тогаш мора да се оди. Начелно сметам дека прво треба да има локални, па идната година да се оди со предвремени парламентарни. Меѓутоа ако дојде до ситуација да имаме двојни избори, тогаш ние ќе се подготвуваме и ќе дадеме максимум за добри резултати“, рече Таравари.
