Познатиот готвач го откри омиленото јадење на рускиот претседател Владимир Путин

Омиленото јадење на Владимир Путин го откри познатиот италијански готвач Мирко Заго

Познатиот италијански готвач Мирко Заго, кој неколку пати имал можност да готви за рускиот претседател Владимир Путин, сподели дел од своето искуство со шефот на Кремљ, откривајќи и дел од неговите гастрономски преференции.

Во разговор за руските медиуми, Заго раскажал две незаборавни средби со Путин, од кои една останала запаметена по интересна анегдота.

„Вториот пат кога ме повикаа во салата беше навистина посебно. Имаше новинари од целиот свет, па дури и една Италијанка. Таа гласно ме пофали на италијански, па јас ѝ го пренесов тоа на Путин. Целата сала, вклучително и тој, се насмеа искрено“, се присетува Заго.

Покрај соработката со Путин, италијанскиот готвач подготвувал јадења и за 50-тиот роденден на поранешниот претседател Дмитриј Медведев, како и за 18-тиот роденден на неговиот син.

Според Заго, Путин претпочита едноставна и традиционална кујна и не јаде многу, особено на јавни настани. Сепак, на приватни настани, како што бил банкетот за припадниците на антитерористичките единици, знаел да се опушти и да ужива во оброкот.

„На тој банкет се почести со ‘мочета’ – специјалитет од немасно месо подготвен со зачини, кој навистина му се допадна“, открива Заго.

Инаку, „мочета“ е традиционална северноиталијанска козја шунка која се суши на воздух и има богат вкус, омилен меѓу љубителите на медитеранската кујна.