„Стар манастир“ се смета за еден од најстарите сакрални објекти за кого први записи се пронајдени во 1326 година

ТЕТОВО – На локалитетот Лешочко Кале започнуваат археолошки истражувања на стар манастирски комплекс од пред повеќе векови. Истрагите што ги иницираше Музејот на тетовски крај, а се реализираат преку Националниот конзерваторски центар, финансирани од Министерството за култура, се насочуваат кон објекти што во 14 век претставувале епископски центар, но истовремено црквата „Св. Атанасиј“ која се’ уште опстојува, ќе се утврдува дали била градена на стар црковен објект од 6 век. Подготовките за почеток на археолошките истражувања веќе се завршени, па според најавите од Националниот конзерваторски центар наскоро ќе започнат. Годинава се планирани сондажни истражувања кои ќе траат околу еден месец. Во наредни фази кои според проектот би се одвивале од наредната година, ќе се пристапи кон конзервација. На овој комплекс забележани биле и поранешни истражувања во два-три наврати, а тогашните и сегашните наоди ќе послужат за поставување сонди до самата здравица, заради заштита и создавање услови на некогаш подигнатите објекти. 

Со организираните археолошки истражувања ќе се стави крај и на беснеењето на дивите копачи од кои една група откриени минатата година, им беше судено и им беа изречени затворски казни. 

Манастирскиот комплекс „Стар манастир“ се смета за еден од најстарите сакрални објекти за кого први записи се пронајдени во 1326 година. Јеромонахот Јоаникиј како единствен ктитор најнапред ја подигнал манастирската црква со пари, што ги обезбедил продавајќи го целиот имот на својот татко. Црквата била подигната на стари темели и градба од шестиот век, што е потврдено со пронаосот, на кој на десниот ѕид до неодамна биле видливи фреските. Во двориштето Јоаникиј изградил и конаци, келии и други објекти, а манастирот „Св. Атанасиј“ останал седиште на Полошката епископија како управен, духовен и културен центар на 14 век под јурисдикција на Охридската архиепископија. Создадени биле услови за живот на монаси и членови на манастирското братство, но и како место каде се школувале свештеници. Манастирскиот комплекс под разни влијанија неколку пати бил разурнуван, а најмногу последици имал во наездата на турските башибозуци во 1689 година. Први ископини биле вршени во 1927 година, кога биле откриени остатоци од разурнатата црква, три саркофази од кои еден бил на јеромонахот Јоаникиј, осамен гроб, две гробници и други објекти. 

Од фрескоживописот очигледни биле делови на свети маченици, свети војници како и фреската насловена како „Угостувањето на праведниот Аврам“, но и делумни истраги биле вршени во 1981 година.Меѓутоа, очигледно е дека целиот простор бил оставен и запуштен, објектите оштетувани и од луѓе, но и од забот на времето, а свое влијание извршиле и дивите копачи кои во потрага по закопаното благо, нанеле огромни штети на просторот.

Извор: preminportal

Лондон, 9 декември 2025 – Научниците развија нов третман кој кај дел од пациентите целосно ја поништува акутната лимфобластна Т-клеточна леукемија, една од најагресивните и досега неизлечиви форми на рак на крвта.

Терапијата се базира на прецизно уредување на ДНК во белите крвни клетки, трансформирајќи ги во „жив лек“ што активно го напаѓа туморот. Првата пациентка што го примила третманот, девојче со тешка форма на леукемија, денес нема никакви знаци на болеста и според британските медиуми планира да се посвети на научни истражувања за малигни заболувања.

Во следната фаза од клиничките испитувања, осум деца и двајца возрасни биле третирани со генетски модифицирани клетки. Резултатите се охрабрувачки: 64 проценти од пациентите влегле во ремисија, што претставува најдобар исход досега кај оваа група болни.

Т-клетките, кои обично го штитат организмот од инфекции и тумори, кај оваа форма на леукемија стануваат неконтролирани и сами го предизвикуваат ракот. Кај испитаниците, класичните терапии како хемотерапија и трансплантација на коскена срцевина биле неуспешни, а единствената друга опција била палијативна грижа.

Овој медицински напредок отвора надеж дека гено-терапијата може да понуди реална шанса за излекување на пациенти со една од најагресивните детски малигни болести.

Лабораторијата за соларна астрономија при рускиот Институт за вселенски истражувања (ИКИ) соопшти дека изминатата ноќ на Сонцето е забележана црна дамка предизвикана од експлозија на водород.

Експлозијата се случила околу полноќ, московско време, и резултирала со црна дамка која се проширила на дијаметар од околу милион километри, пренесуваат руските медиуми.

Сончевите дамки се класифицираат во пет групи според јачината на рендгенското зрачење: A, B, C, M и X. Појавата на големи дамки може да предизвика магнетни бури на Земјата, кои, пак, влијаат на енергетските мрежи, краткобрановата комуникација, навигациските системи, како и на миграционите рути на птиците и животните.

Научниците нагласуваат дека сè уште нема цврсти докази за директно влијание на магнетните бури врз здравјето на луѓето, но следењето на Сонцето и понатаму останува од клучно значење за заштита на технологијата и инфраструктурата на Земјата.