Пакистан го прекрши договорот за прекин на огнот со Индија, објави агенцијата Frence Presse (AFP), повикувајќи се на извор од индиската влада.
„Пакистан го прекрши договорот за прекин на огнот склучен претходно во саботата со Индија“, се вели во информацијата.
Од своја страна, главниот министер на индиската сојузна територија Џаму и Кашмир, Омар Абдула, изјави дека системите за противвоздушна одбрана го одбиле воздушниот напад во Сринагар.
Претходно денеска американскиот претседател Доналд Трамп изјави дека Њу Делхи и Исламабад се согласиле на прекин на огнот по разговорите со Вашингтон, кој стапува на сила веднаш.
Но само по неколку часа од прогласувањето на примирјето, беше известено за негово прекршување со удари во главните градови на индиски Кашмир, територијата што го понесе товарот на четиридневните борби.
Експлозии се слушнаа во Сринагар и Џаму, а проектили и блесоци беа видени на ноќното небо над Џаму, слично на настаните од претходната вечер, според властите, жителите и сведоците на Reuters.
Воените портпароли во двете земји не одговорија веднаш на барањата за коментар.
Борбите беа најлошите меѓу старите јужноазиски непријатели во речиси три децении и се закануваа да ескалираат во целосна војна во еден од најнестабилните и најгусто населените региони во светот.
Ситуацијата се влоши во саботата откако Пакистан започна напад врз соседната земја во кој тврдеше дека уништил индиски систем за воздушна одбрана со хиперсонични ракети. Овој напад беше изведен откако Исламабад објави дека индиската војска истрелала врз неколку пакистански воени бази.
Како што појасни првиот заменик-министер за надворешни работи на Индија, страните се согласија да престанат со сите гранатирања и воени дејствија на копно, воздух и море од 17:00 часот по локално време (14,30 часот по македонско време) во сабота.
Тензиите меѓу двете нуклеарни земји и регионални архиривали ескалираа по терористичкиот напад во близина на градот Пахалгам во индискиот регион Џаму и Кашмир на 22-ри април. Тогаш 25 Индијци и еден непалски државјанин беа убиени. Њу Делхи соопшти дека поседува докази дека пакистанската меѓуресорска разузнавачка служба била вмешана во нападот на исламистичките есктримисти, што Исламабад го отфрли.
Ноќта на 7 мај, индиското Министерство за одбрана објави дека како одговор на терористичкиот напад во Пахалгам, ја спроведува операцијата „Синдор“, напаѓајќи „терористичка инфраструктура“ на пакистанска територија. Одделот појасни дека за време на операцијата не бил нападнат ниту еден воен објект на соседната земја, меѓутоа Пакистан објави дека биле погодени цивилни живеалишта и џамии при што загинале над 40 луѓе. Во текот на четиридневниот конфликт, 66 цивили беа убиени од двете страни на границата.
Ситуацијата се влоши во саботата откако Пакистан започна напад врз соседната земја во кој тврдеше дека уништил индиски систем за воздушна одбрана со хиперсонични ракети. Овој напад беше изведен откако Исламабад објави дека индиската војска истрелала врз неколку пакистански воени бази.
